وزیراعلیٰ نے اسٹریٹ کرائمز میں اضافے کا نوٹس لے لیا: آئندہ 48 گھنٹوں کے آپریشنز کی رپورٹ طلب

تفصیلات کے مطابق پاکستان پیپلزپارٹی سے تعلق رکھنے والے وزیراعلیٰ سندھ نے اس ضمن میں آئی جی سندھ اور نئے ایڈیشنل آئی جی کراچی کو ہدایات جاری کردی ہیں۔

سید مراد علی شاہ نے اسٹریٹ کرائمز سے نمٹنے کے لیے پہلے سے بنائی گئی حکمت عملی پر سختی سے عمل کرنے کی بھی ہدایات جاری کی ہیں۔

وزیراعلیٰ سندھ نے ہدایات دی ہیں کہ تمام علاقہ ایس ایچ اوز اپنے اپنے علاقوں میں پیٹرولنگ کو بڑھائیں اور اسٹریٹ کرائمز میں ملوث کرمنلز کے خلاف آپریشن میں فوری طور پر تیزی پیدا کریں۔