این اے 240 ضمنی انتخاب کے لیے سکیورٹی پلان مکمل

تفصیلات کے مطابق قومی اسمبلی کے حلقہ این اے 240 کورنگی کے ضمنی انتخاب کے حوالے سے تیاریاں مکمل کر لی گئی ہیں۔ 

الیکشن کمیشن کے مطابق حلقہ این اے 240 میں کل 5 لاکھ 29 ہزار 855 وٹرز رجسٹرڈ ہیں جبکہ انتخاب کے لیے 133 عمارتوں میں 309 پولنگ اسٹیشنز قائم کیے گئے ہیں۔

حلقے میں الیکشن کے حوالے سے سکیورٹی پلان بھی تشکیل دے دیا گیا ہے جس میں کراچی پولیس کے 1500 سے زائد اہلکار الیکشن کے دوران سکیورٹی کے فرائض سرانجام دیں گے۔

بتایا گیا ہے کہ کسی بھی ہنگامی صورت حال سے نمٹنے  کے لیے پولیس کے خصوصی دستے ترتیب دیے جا چکے ہیں، پولیس کے ساتھ سندھ رینجرزکے اہلکار بھی ڈیوٹی پر مامور ہوں گے۔