نیتو نے رشی کپورکے ساتھ سیر وتفریح کی آخری ویڈیو شئیر کردی

تفصیلات کے مطابق بالی وڈ اداکار  رشی کپور کی موت کو 11 ماہ مکمل ہونے پر اُن کی اہلیہ و اداکارہ نیتو کپور نے اپنے انسٹاگرام اکاؤنٹ پر ماضی کی ایک خوبصورت ویڈیو شیئر کی ہے۔ انہوں نے اس یادگار ویڈیو کے عنوان  میں لکھا کہ ْ آج رشی کو اس دُنیا سے گُزرے 11 ماہ ہونے والے ہیں،  میں آج رشی کی یاد میں آپ سب کے ساتھ ہماری آخری سیر و تفریح کے حسین لمحات شیئر کر رہی ہوں جو ہم نے نیویارک میں گُزارے تھے۔ انسٹاگرام پر شیئر کی گئی ویڈیو میں رشی کپور اپنی اہلیہ کے ہمراہ نیویارک میں انتہائی خوش گوار موڈ میں سیر کرتے نظر آرہے ہیں ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by neetu Kapoor. Fightingfyt (@neetu54)

نیتو کپور کی ویڈیو دیکھ کر رشی کپور کے مداح اُن کی یاد میں ایک بار پھر جذباتی ہوگئے ہیں جبکہ ویڈیو پر تین  لاکھ سے زائد ویوز آچکے ہیں۔

یاد رہے کہ رشی کپور اور نیتو کی شادی 1980 میں ہوئی تھی اور اِس جوڑی نے ایک ساتھ 12 فلموں میں بھی کام کیا ہے۔ رشی کپور اور نیتو کپور کی ایک بیٹی اور ایک بیٹا ہے، اُن کی بڑی بیٹی ردھیما کپور ہیں جبکہ بیٹا بالی ووڈ اداکار رنبیر کپور ہے۔  رشی کپور کینسر کے موذی مرض میں مبتلا تھے اور علاج کیلئے ایک سال تک نیویارک میں بھی مقیم رہے ۔معروف بھارتی اداکار رشی کپور گزشتہ سال 30 اپریل 2020 کی صبح ممبئی کے این ایچ رلائنس اسپتال میں انتقال کرگئے تھے ۔