گلگت میں گاڑی پر فائرنگ 5افراد جاں بحق اور 8زخمی

تفصیلات کے مطابق  گلگت میں نلتر کے مقام پر فائرنگ کا واقعہ،  گاڑی پر فائرنگ کے واقعے میں 5 افراد جاں بحق جبکہ 8 زخمی ہوگئے ہیں۔ زخمیوں کو سٹی ہسپتال گلگت منتقل کیا جارہا ہے۔ ایس ایس پی گلگت مرزا حسن موقع پر پہنچ گئے۔

ایس ایس پی گلگت مرزا حسن کا کہنا ہے کہ  گاڑی گلگت سے نلتر کی طرف جارہی تھی۔ فائرنگ کے اسباب و وجوہات کا تاحال علم نہیں ہوسکا ہے۔دوسری جانب  واقعہ کے ردعمل میں گلگت شہر کی متعدد سڑکیں بلاک کردی گئیں ہیں۔

نلتر ضلع گلگت کے مقام پر پیش آنے والے انتہائی افسوس ناک واقعے پر وزیراعلی خالد خورشید خان نے  سخت نوٹس لے لیا۔ جاں بحق افراد کے لواحقین کیساتھ اظہار افسوس، قانون نافذ کرنے والے اداروں کو قاتلوں کو فی الفور گرفتاری کرکے آہنی ہاتھوں سے نمٹنے کا حکم دےدیا۔

وزیر اعلی کا کہنا ہے کہ ان کی گرفتاری کیلئے پولیس، رینجرز، گلگت بلتستان  سکاوٹس اور دیگر تمام وسائل کو بروئے کار لایا جائے۔وزیراعلی نے انتظامیہ کو  ہسپتالوں کو الرٹ رکھنے اور زخمی افراد کی بروقت علاج معالجہ فراہم کرنے کا حکم دیا ہے۔

وزیراعلی نے  انتظامیہ کو حکم دیا ہے کہ شاہراہ قراقرم پر مسافروں کے تحفظ کے کئے ہر ممکن قدم اٹھائیں۔وزیراعلی نے جاں بحق افراد کے لواحقین سے  دلی تعزیت اور ہمدردی کا اظہار ہے۔

وزیراعلی نے عوام الناس سے بھی اپیل کی ہے کہ اس اہم موقع حکومت کیساتھ بھرپور تعاون کریں اور امن و امان کے قیام میں حکومت کا ساتھ دیں۔ وزیراعلی نے یقین دلایا ہے کہ اس واقع میں ملوث سفاک قاتلوں کو آہنی ہاتھوں سے نمٹا جائیگا اور ان کو عبرت کا نشان بنائینگے۔ گلگت بلتستان  میں امن قائم کرنے کیلئے کسی ہر ممکن قدم اٹھائینگے۔