بلوچستان میں سیلابی ریلوں میں بہہ کر 9 افراد جاں بحق

بارش برسانے والے بادل بلوچستان میں تباہ کن ثابت ہوئے صوبے کے مختلف اضلاع میں شدید سیلابی ریلے سے ندی میں میں طغیانی آگئی۔ بارشوں کا پانی آبادی میں داخل ہو گیا۔

سیلابی ریلوں میں بہہ کر 9 افراد جاں بحق ہوئے جبکہ کئی علاقوں میں رابطہ سڑکیں ٹوٹ پھوٹ کا شکار ہيں۔

کوہلو ، ہرنائی ، بارکھان ، ڈیرہ بگٹی سمیت دکی میں سیلابی ریلوں میں بہہ جانے سے 9افراد جاں بحق 21زخمی ہو گئے، 16 مکانات منہدم ہو گئے جبکہ سیلابی پانی سیکنڑوں مویشیوں کا بہا کر لے گیا۔

محکمہ پی ڈی ایم اے کے مطابق سیلابی صورتحال سے نمٹنے اورمتاثرین کی بحالی کے لئے ریلیف آپریشن جاری ہے۔

دریائے ناڑی میں اونچے درچے کا سیلاب ریکارڈ گیا گیا جبکہ کوہلو ، کوہ سلیمان ، سبی اوردکی سمیت کئی مقامات پر رابطہ سڑکیں بہہ گئی اور سینکڑوں ایکڑ پر محیط کھڑی فصلوں کو نقصان پہنچا۔