پاکستان
حکومت سے نہ معیشت سنبھالی جارہی ہے اور نہ ہی قیمتوں پر ان کا کوئی کنٹرول ہے : عمران خان
چیئرمین پاکستان تحریک انصاف (پی ٹی آئی) عمران خان نے اپنے ویڈیو خطاب میں کہا ہے کہ انہیں لگ رہا ہے کہ پنجاب میں اب حمزہ شہباز کی حکومت نہیں رہے گی، عدالت نے مخصوص نشستوں پر انہیں بے نقاب کردیا ہے۔
عمران خان کا کہنا تھا کہ پنجاب کے ضمنی انتخابات میں دھاندلی کی کوششیں جاری ہیں، یہاں سیاستدانوں کو بھیڑ بکریوں کی طرح خریدا جاتا ہے۔
موجودہ حکومت پر تنقید کرتے ہوئے چیئرمین پی ٹی آئی کا کہنا تھا کہ اس حکومت سے نہ معیشت سنبھالی جارہی ہے اور نہ ہی قیمتوں پر ان کا کوئی کنٹرول ہے، ملک کو بحران سے نکالنے کی ان کی نیت اور صلاحیت ہی نہیں تھی۔
انہوں نے کہا کہ ہمیں روس سے تیل لینا تھا لیکن انہوں نے سازش کی اور عدم استحکام پیدا کیا۔ اب حکومت کو بتانا ہوگا کہ سازش کرکے بحران کیوں پیدا کیا گیا۔
سابق وزیر اعظم کا کہنا تھا کہ کورونا کے باوجود پاکستان سب سے سستا ملک تھا، ہم پر بھی دباؤ تھا لیکن ہم نےقیمتیں نہیں بڑھائیں۔
ان کا کہنا تھا کہ ہمارے دور حکومت میں لوڈ شیڈنگ نہیں تھی اب کیسے ہوگئی ہے۔ بجلی کےمنصوبوں پر ن لیگ نے معاہدے کیے تھے پھر بھی ہم نے بجلی کی قیمت نہیں بڑھنے دی۔
پی ٹی آئی سربراہ نے کہا کہ ن لیگ کی حکومت نے درآمدی ایندھن پر پاور پلانٹس لگائے تھے، اب بجلی بھی نہیں بن رہی اور ہم کیپیسٹی چارجز کی مد میں پیسے بھی دے رہے ہیں۔
عمران خان نے کہا کہ حکومت اور جمہوریت اخلاقی قوت سے چلتی ہے ڈنڈے سے نہیں لیکن ان کا خیال ہے کہ وہ صرف ظلم اور تشدد کرکے لوگوں کوکنٹرول کرلیں گے۔
چیئرمین پی ٹی آئی نے اپنے خطاب میں ملک کو درپیش معاشی مسائل سے نکالنے کا حل بتاتے ہوئے کہا کہ ملکی معیشت کو ٹھیک کرنے کا ایک ہی طریقہ ہے اور وہ یہ کہ زرداری اور شریف خاندان باہر پڑا ہوا اپنا آدھا پیسہ ملک میں واپس لے آئیں۔
پاکستان
بشریٰ بی بی نے نیب کی نئی انکوئری میں طلبی کا نوٹس اسلام آباد ہائی کورٹ میں چیلنچ کر دیا
چیف جسٹس عامر فاروق اور جسٹس طارق محمود جہانگیری درخواست پر سماعت کریں گے
بشریٰ بی بی کی جانب سے نیب طلبی کا نوٹس اسلام آباد ہائی کورٹ میں چیلنج کردیا گیا۔
عمران خان کی اہلیہ بشریٰ بی بی کی جانب سے نیب نوٹس کے خلاف درخواست اسلام آباد ہائی کورٹ نے کل سماعت کے لیے مقرر کرلی ہے۔ چیف جسٹس عامر فاروق اور جسٹس طارق محمود جہانگیری درخواست پر سماعت کریں گے۔
بیرسٹر سلمان صفدر، عثمان ریاض گل اور خالد یوسف چوہدری کی وساطت سے نیب طلبی کے نوٹس کو چیلنج کرتے ہوئے مؤقف اختیار کیا گیا ہے کہ نئی انکوائری میں نیب کا بانی پی ٹی آئی، بشریٰ بی بی پر قیمتی تحائف غیر قانونی فروخت کرنے کا الزام ہے۔
عدالت سے استدعا ہے کہ درخواست پر فیصلے تک نیب کے کال اپ نوٹس کو معطل کیا جائے۔
پاکستان
صدر مملکت کی زیر صدارت سندھ میں امن و امان کی بگڑتی صورتحال پر اجلاس
اجلاس میں وزیرِداخلہ محسن نقوی، وزیراعلی سندھ مرادعلی شاہ، صوبائی وزیرداخلہ ضیالنجار اور آئی جی غلام نبی میمن شریک ہیں
سندھ میں امن و امان کی بگڑتی صورتحال پر قابو پانے کے لیے صدر مملکت آصف زرداری کی زیر صدارت اجلاس جاری ہے۔
وزیراعلیٰ ہاؤس میں صدر آصف علی زرداری کی سربراہی میں امن و امان کا اجلاس جاری ہے، جس میں اہم فیصلے متوقع ہیں۔
کچے کے علاقے میں آپریشن اور اسٹریٹ کرائم کی صورتحال پر اعلیٰ حکام کی جانب سے بریفنگ دی جارہی ہے۔
اجلاس میں وزیرِداخلہ محسن نقوی، وزیراعلی سندھ مرادعلی شاہ، صوبائی وزیرداخلہ ضیالنجار اور آئی جی غلام نبی میمن شریک ہیں، اس کے علاوہ ڈی جی ریِنجرز سندھ ، چیف سیکرٹری اور دیگر بھی اجلاس میں شریک ہیں۔
اجلاس سے پہلے صدر زرداری اور وزیراعلیٰ سندھ مراد علی شاہ کی ملاقات ہوئی، جس میں صوبے میں ترقیاتی منصوبوں پر تبادلہ خیال کیا گیا۔
پاکستان
گندم کی خریداری ، پنجاب حکومت اور کسانوں کے درمیان مذاکرات ناکام
پاکستان کسان اتحاد کا کل سے تمام اضلاع میں مظاہروں کا اعلان
گندم کی خریداری کے معاملے پر پنجاب حکومت اور کسانوں کے درمیان مذاکرات ناکام ہو گئے۔
پاکستان کسان اتحاد نے حکومت کی بے حسی کے خلاف کل سے تمام اضلاع میں مظاہروں کا اعلان کیا ہے، کسانوں کا کہنا ہے کہ اپنے مویشی اور گندم سڑکوں پر رکھ کر احتجاج کریں گے۔
پاکستان کسان اتحاد کے رہنماؤں نے کہا کہ کسانوں کو مارکیٹ کے رحم و کرم پر چھوڑ دیا گیا ہے۔
صوبائی محکمہ خوراک کے ذرائع کا بتانا ہے کہ چھوٹے کسانوں کو کسان کارڈ کے ذریعے چند دن بعد امداد دینےکا سلسلہ شروع کیا جائے گا جب کہ فلور ملز سیڈ ملز اور آڑھتیوں نے مارکیٹ کا رخ کر لیا ہے۔
دوسری طرف گندم کی قیمت میں واضح کمی ہوئی ہوئی ہے،لاہور میں بیس کلو آٹے کے تھیلےمیں چند روز میں آٹھ سو روپے کلو کمی آئی ہے۔
لاہور میں بیس کلو آٹے کے تھیلے کی قیمت 2800 سے کم ہو کر 2000 روپے پر آگئی۔
چیئرمین فلور ملز ایسوسی ایشن عاصم رضا نے قیمت میں کمی کی تصدیق کرتے ہوئے بتایا کہ آٹے کے تھیلے کی نئی قیمت 2 ہزار روپے ہوگئی ہے۔گندم کی قیمت میں کمی کی وجہ سے آٹا سستا ہوا ہے، فلور ملز مالکان کسانوں سے گندم خرید رہے ہیں۔
ان کا کہنا تھا کہ ہم کسانوں کے ساتھ کھڑے ہیں، حکومت بین الصوبائی پابندی مکمل ختم کرے، دوسرے صوبے گندم خرید کر پنجاب کے کسانوں کو نقصان سے بچائیں۔
-
پاکستان 2 دن پہلے
گندم کی حکومتی قیمت نہ ملنے پر کسانوں کا احتجاج ، رہنما کسان اتحاد گرفتار
-
تجارت 2 دن پہلے
آئی ایم ایف نے پاکستان کیلئے 1.1ارب ڈالر کی منظوری دے دی
-
پاکستان ایک دن پہلے
عمران خان نے پبلک اکاؤنٹس کمیٹی کی سربراہی کیلئے شیر افضل مروت کا نام فائنل کر دیا
-
پاکستان ایک دن پہلے
پاک سعودیہ تعلقات کی جہتیں مضبوط سے مضبوط تر ہورہی ہیں، وزیر اعظم
-
پاکستان ایک دن پہلے
پی ٹی آئی کے سوا کسی پارٹی نے آئین کے مطابق انٹرا پارٹی الیکشن نہیں کروائے، بیرسٹر گوہر
-
پاکستان 2 دن پہلے
جلسے کرنا ہمارا آئینی قانونی حق ہے جو ہم کریں گے، اسد قیصر
-
تجارت 2 دن پہلے
یکم مئی سے پٹرولیم مصنوعات کی قیمتوں میں کمی کا امکان
-
پاکستان 2 دن پہلے
تاریخ ہمیں کبھی معاف نہیں کرے گی ، مولانا فضل الرحمن کا قومی اسمبلی میں اظہار خیال