حکمران عوام کو دھوکہ دے رہے ہیں ، عنقریب گندم کا بحران بھی آنیوالا ہے : شیخ رشید 

تفصیلات کے مطابق سماجی رابطے کی ویب سائٹ ٹوئٹر پر اپنے جاری  پیغام میں سابق وفاقی وزیر داخلہ شیخ رشید نے لکھا کہ رانا ثنااللہ اور خرم دستگیر نئے آرمی چیف کی تعیناتی پر مشاورت کا بیان کس حیثیت میں دے رہے ہیں۔

انہوں نے کہا کہ کراچی ، سکھر، حیدرآباد کی قیادت پی پی پی  کبھی بھی  ایم کیو ایم کو نہیں دے گی ، چیف الیکشن کمیشن کو ہائی کورٹ کے فیصلے کے بعد پی ٹی آئی کی 5 مخصوص نشستیں دینے پر دیر نہیں کرنی چاہیے۔

راناثنااللہ اور خرم دستگیر نئے آرمی چیف کی تعیناتی پر مشاورت کا بیان کس حیثیت میں دےرہے ہیں۔کراچی،سکھر،حیدرآباد کی قیادت PPP کبھی MQM کو نہی دے گی۔چیف الیکشن کمیشن کو ہائی کورٹ کے فیصلے کے بعد PTIکی 5 مخصوص نشستیں دینے پر دیر نہی کرنی چاہیے۔آج پنجاب ہائی کورٹ کا فیصلہ بھی آسکتاہے

— Sheikh Rashid Ahmed (@ShkhRasheed) June 30, 2022

سابق وفاقی وزیر نے کہا کہ روس سے تیل اور افغانستان سے کوئلہ نہیں منگوایا جارہا ، حکمران عوام کو دھوکہ دے رہے ہیں ، جس حکومتی اتحادی نے الیکشن لڑنا ہے اسے حکومت کو چھوڑنا ہوگا کیونکہ حکومت کہیں نظر نہیں  آرہی ، اگر لوڈشیڈنگ اور مہنگائی ختم نہ ہوئی تولوگ خودبخود سڑکوں پر ہوں گے ۔

انہوں نے مزید کہا کہ سپریم کورٹ کا 63۔Aکا محفوظ فیصلہ اہم ہوگا ، 50 روپے پٹرول پر لیوی بھی عنقریب لگے گی ، اسحاق ڈار توکیا بل گیٹس کو بھی بلالیں ملک ان سے نہیں  چل سکتا۔ 

ان کا کہنا تھا کہ اوورسیز کے ووٹوں کے لیے سپریم کورٹ جاوں گا،2 تاریخ کو لال حویلی سے پریڈ گراونڈ جاؤ ں گافوری انتخابات کروالیں ورنہ کچھ بھی ہوسکتاہے۔ 

سپریم کورٹ کا 63۔Aکا محفوظ فیصلہ اہم ہوگا،50 روپے پٹرول پر لیوی بھی عنقریب لگے گی،اسحاق ڈار توکیا بل گیٹس کو بھی بلالیں ملک ان سے نہی چل سکتا،اوورسیز کے ووٹوں کے لیے سپریم کورٹ جاوں گا،2 تاریخ کو لال حویلی سے پریڈ گراونڈ جاوں گا۔فوری انتخابات کروالیں ورنہ کچھ بھی ہوسکتاہے

— Sheikh Rashid Ahmed (@ShkhRasheed) June 30, 2022