دبئی میں آصف زرداری کو فوری الیکشن کیلئے آمادہ کیا جارہا ہے:چوہان

سماجی رابطے کی ویب سائیٹ ٹوئیٹر پر جاری پیغام میں رہنما تحریک انصاف فیاض الحسن چوہان نے کہا کہ آصف زرداری اور ملک کی ایک اہم شخصیت دبئی میں موجود ہے۔

انہوں نے کہا کہ آصف علی زرداری کو ملک میں فوری الیکشن کے لیے آمادہ کیا جارہا ہے، حالات نظائر اور قرائن بتاتے ہیں کہ آصف زرداری کو راضی کر لیا جائے گا۔

آصف زرداری دوبئی میں۔۔۔ملک کی ایک اہم شخصیت دوبئی میں۔۔۔!!!
آصف زرداری کو فوری الیکشن کے لیے آمادہ کیا جارہا ہے
حالات نظائر اور قرائن بتاتے ہیں کہ آصف زرداری کو راضی کر لیا جائے گا۔۔۔!!!

— Fayaz ul Hassan Chohan (@Fayazchohanpti) July 25, 2022

واضح رہے کہ گزشتہ روز سابق صدر آصف علی زرداری غیر ملکی ائیرلائن سے دبئی روانہ ہوئے تھے، اس حوالے سے سوشل میڈیا پر چلنے والی منفی خبروں پر ان کی صاحبزادی بختاور بھٹو نے اپنے ردعمل کا اظہار بھی کیا۔

بختاور بھٹو نے اپنے ٹوئیٹ میں لکھا کہ 'اگر وہ جیل کے 11 سے زائد سال نہیں بھاگے تو اب کیوں بھاگیں گے؟ انہیں ہر دور حکومت میں عدالتوں کا سامنا کرنا پڑا جس میں ہمارے ڈکٹیٹر منتخب ہوئے لیکن کبھی بھاگے نہیں۔‘