ڈپٹی اسپیکر رولنگ کیس : سپریم کورٹ نےسماعت کل تک ملتوی کر دی

تفصیلات کے مطابق ڈپٹی اسپیکر پنجاب اسمبلی کی رولنگ سے متعلق کیس کا فیصلہ سناتے ہوئے سپریم کورٹ آف پاکستان نے حکومتی اتحاد کی فل کورٹ بنچ بنانے کی استدعا مسترد کردی ہے جبکہ حمزہ شہباز کے وکیل کو مزید وقت دینے کی درخواست منظور کر لی گئی ہے۔

چیف جسٹس عمر عطا بندیال کی سربراہی میں جسٹس اعجاز الاحسن اور جسٹس منیب اختر پر مشتمل 3 رکنی بنچ نے کیس کی آج دوبارہ سماعت کی، دوران سماعت دن بھر وکلاء کے دلائل سننے کے بعد سپریم کورٹ نے وزیراعلیٰ پنجاب کے انتخاب کے معاملے پر ڈپٹی اسپیکر کے رولنگ کے خلاف فل کورٹ بنانے کی درخواستوں پر فیصلہ محفوظ کیا۔

مختصر فیصلہ سناتے ہوئے چیف جسٹس عمر عطا بندیال کہا کہ وکلاء نے فل کورٹ بنانے اور میرٹ پر دلال دیے، معاملے کی بنیاد قانونی سوال ہے کہ اراکین اسمبلی کو ہدایت پارٹی سربراہ دے سکتا ہے یا نہیں، وکلاء کی درخواست پر سماعت کل صبح ساڑھے گیارہ بجے تک ملتوی کی جاتی ہے۔

عدالتی فیصلے میں کہا گیا کہ وکلاء کو موقع دیتے ہیں کل عدالت کو مطمئن کریں، عدالت کے سامنے سوال آرٹیکل 63 اے کے تحت ہدایات کا ہے، فل کورٹ تشکیل نہ دینے کا تفصیلی فیصلہ بعد میں جاری کیا جائے گا۔