تحریک انصاف نے چیف الیکشن کمشنر کیخلاف دائر ریفرنس واپس لے لیا

اس حوالے سے سابق وفاقی وزیر فواد چودھری نے اسلام آباد میں پریس کانفرنس کرتے ہوئے کہا ہے کہ چیف الیکشن کمشنر کے خلاف ریفرنس کو روکا ہے، ہم کچھ مزید شواہد بھی اس کے ساتھ لگا رہے ہیں۔

انہوں نے کہا کہ الیکشن کمیشن نے ممنوعہ فنڈنگ کیس کے فیصلے میں ردو بدل کیا، الیکشن کمیشن کے فیصلے میں ردو بدل کے نکات ڈال کر دوبارہ ریفرنس دائر کریں گے۔

خیال رہے کہ آج ہی پاکستان تحریک انصاف نے چیف الیکشن کمشنر سکندر سلطان راجہ کے خلاف جوڈیشل کمیشن میں ریفرنس دائر کیا تھا۔