معیشت کی بہتری کیلئےلگژری اشیاکی درآمد پرپابندی لگائی : وزیرخزانہ 

تفصیلات کے مطابق وزیرخزانہ مفتاح اسماعیل نے کراچی چیمبر آف کامرس سے خطاب کرتے ہوئے کہا کہ ہم  آج تک 450 ملین ڈالر واپس نہیں کرسکے مزید قرض مانگتے ہوئے شرم آتی ہے ، دنیا سے قرض لینا مشکل بھی ہوگیا اور شرم بھی آتی ہے ۔  دنیا کہتی ہوگی یہ کسطرح ملک چلارہے ہیں۔ 

انہوں نے کہ کہ اپنی چادر دیکھ کر پاؤں پھیلائیں، ہماری خریدی گئی گیس ملک کو بچا رہی ہے­­ کورونا میں سستی گیس نہیں خریدی گئی ، ہم نے حکومت میں آ کر مشکل فیصلے کئے، توانائی کی قیمتیں بڑھائیں، ہمارا انحصار امپورٹ بیسڈ معیشت پر ہے۔

وزیر خزانہ نے کہا کہ 80ارب ڈالر کی درآمدات اور 30ارب کی برآمدات ہوئیں ، معیشت کی بہتری کیلئےلگژری اشیاکی درآمدپرپابندی لگائی ، ماضی میں کرنٹ اکاؤنٹ خسارہ بڑھتارہا ، ہم گروتھ کرتے ہیں پھر برسٹ ہو جاتے ہیں ، ہم ایکسپورٹ نہیں کر پارہے ہیں اور دنیابھرمیں شرح سودمیں اضافہ ہوگیا۔ 

انہوں  نے مزید کہا کہ نواز شریف نے بجلی کی پیداوار بڑھائی ، ہم نے بجلی بڑھا کر ایکسپورٹس نہیں بڑھائی ، جو اضافی بجلی بنائی وہ شادی ہالز میں استعمال کی گئی۔ 

ان کا کہنا ہے کہ ہم دبئی سے سستا پیٹرول بیچ رہے ہیں ، 5 سے 6 ارب ڈالر کا خوردنی تیل رواں سال درآمد کرناپڑے گا ، ایل این جی تاریخ کی بلندترین سطح پرہے ، کورونا کے دوران سستی ایل این جی مل رہی تھی مگرکسی نےمعاہدہ نہیں کیا۔

وزیرخزانہ کا یہ بھی کہنا تھا  کہ متحدہ عرب امارات (یواےای) اسٹاک ایکسچینج میں سرمایہ کاری کر رہا ہے، قرض 25 ہزار ارب پر تھا، عمران خان نے 42 ہزار ارب کر دیا۔