پہلی آئین ساز اسمبلی کی ڈائمنڈ جوبلی کی تقریبات کا آج سے آغاز 

تفصیلات کے مطابق تقریبات کا مقصد ملک میں جمہوریت کے نصب العین اور اس کی اقدار کے فروغ کیلئے تمام ارکان پارلیمنٹ کی خدمات کو اجاگر کرنا ہے۔ 

سالگرہ شاندار طریقے سے منانے کے لئے قومی اسمبلی سیکرٹریٹ کی طرف سے تقریبات کا ایک جامع پروگرام تیار کیا گیا ہے ۔  '' میرا پارلیمان رہبر ترقی و کمال '' تقریبات کا موضوع ہے۔ 

تقریبات کا آغاز تین روزہ تصویری نمائش '' ترجمان ماضی شان حال '' کے آغاز سے ہو گا۔

اس طرح فن اور مصوری کی ایک اور تین روزہ نمائش ''پاک سرزمین شاد باد'' اور ایک اور تین روزہ کتاب نمائش ''قوم ،ملک ، سلطنت'' منعقد ہوں گی۔

اقلیتوں کے عالمی دن کے موقع پر کل اقلیتی کنونشن ہو گا جس کا مقصد ملک کی ترقی میں اقلیتوں کی خدمات کو سراہنا ہے۔

اقلیتوں کے کنونشن کے بعد خواتین ارکان پارلیمنٹ کا کنونشن ہو گا جس کا عنوان ہے۔ '' مرکز یقین شادباد'' نوجوانوں اور بچوں کا ایک کنونشن ''عزم عالی شان'' جمعے کو ہو گا۔

ایک بڑا پارلیمانی کنونشن ہفتے کو ہو گا جس کا عنوان ہے ''سایہ خدائے ذوالجلال'' جو ملک میں جمہوری نظام کے تسلسل کی اہمیت کو اجاگر کرے گا۔