بھارت کو سب سے زیادہ تکلیف ہماری حکومت اورفوج کےایک پیج پہ آنے پرتھی:عمران خان

سابق وزیر اعظم عمران خان نے ویڈیو لنک کے ذریعے خطاب میں کہا کہ خوفناک سازش کے تحت منصوبہ بنایا گیا  ہے کہ فوج کے ساتھ ملک کی سب سے بڑی سیاسی جماعت کو لڑایا جائے، بھارت کو سب سے زیادہ تکلیف ہماری حکومت اورفوج کا ایک پیج پرآنے پرتھی،ہماری حکومت گرانے پر بہت خوشی منائی گئی، بھارت اور اسرائیل میں بھی تحریک انصاف کی حکومت جانے پر خوشی منائی گئی۔

انہوں نے کہا کہ اگر ملک کی سب سے بڑی جماعت کو فوج کے سامنے کھڑا کر دیں اور ان کے درمیان اختلافات پیدا کر دیں، اس سے زیادہ ملک کو کچھ نہیں نقصان پہنچا سکتا،مخالفین الیکشن میں ہرا نہیں سکتے، اب تکنیکی بنیادوں پر ایسا کرنا چاہتے ہیں، توشہ خانہ کیس میں وزرائے اعظم، آرمی چیف سمیت سب کو تحائف ملتے ہیں، اس کی تحقیقات ہونی چاہیے۔

عمران خان نے کہا کہ ڈس انفولیب کے ذریعے پاکستان کے خلاف بے بنیاد پروپیگنڈا کیا گیا، ہماری حکومت میں سب کو تکلیف تھی کہ فوج اور حکومت ایک پیج پر چل رہی ہے، 800 کے قریب جعلی سائٹس پر پاکستان کے خلاف پراپیگنڈہ کیا جا رہا تھا، عمران خان اور پاکستانی فوج کو ٹارگٹ کیا گیا۔

ان کا کہنا تھا کہ ممبئی حملوں کے دوران آصف زرداری نے بیان دیا کہ پاکستان کے ڈی جی آئی ایس آئی کو ممبئی بھجوایا جائے، زرداری نے امریکیوں کو کہا ہمیں فوج سے بچاؤ، ممبئی حملوں پرنوازشریف نے حملہ آور کا نام بتایا وہ پاکستانی ہیں، ڈان لیکس میں کہا گیا پاکستانی فوج دہشت گردی میں ملوث ہے، بھارت راحیل شریف کو دہشت گرد کہا نواز شریف نے اسی مودی کو شادی پر بلایا، آج یہ لوگ ہمیں کہہ رہے ہیں ہم غدارہیں، ان کی کرپشن، چوری کی بیرون ملک ڈاکیو منٹری چلی، آج محب وطن اور ہم غداربن گئے ہیں۔