عراقی نیوی کے سربراہ کی آرمی چیف سےملاقات، دفاع کے شعبے میں دو طرفہ تعاون کے فروغ پر تبادلہ خیال

پاک فوک کے شعبہ تعلقات عامہ کے مطابق آرمی چیف جنرل قمر جاوید باجوہ سے عراقی  نیوی کے سربراہ نے ملاقات کی جس میں دو طرفہ تعاون کے فروغ پر تبادلہ خیال ہوا۔

آئی ایس پی آر کے مطابق ملاقات میں علاقائی سکیورٹی کی صورت حال اور دفاعی امور کے علاوہ باہمی دلچسپی کے امور اور دفاع کے شعبے میں دو طرفہ تعاون کے فروغ پر بھی تبادلہ خیال کیا گیا۔

ملاقات میں آرمی چیف جنرل قمر جاوید باجوہ نے کہا کہ پاکستان عراق کے ساتھ برادرانہ تعلقات کو اہمیت کی نگاہ سے دیکھتا ہے، عراقی قوم نے دہشت گردی کے خلاف جنگ میں جو قربانیاں دی ہیں پاکستان اس کا اعتراف کرتا ہے۔