عمران خان، اسدعمر اور فواد کو توہین الیکشن کمیشن کے نوٹسز جاری

تفصیلات کے مطابق پاکستان تحریک انصاف کے چیئرمین و سابق وزیراعظم عمران خان، پارٹی جنرل سیکرٹری اسد عمر اور فواد چودھری کو توہین الیکشن کمیشن کے نوٹسز جاری کتے ہوئے 30 اگست کو طلب کر لیا ہے۔

میڈیا رپورٹس کے مطابق الیکشن کمیشن نے چیئرمین تحریک انصاف عمران خان کو30 اگست 2022ء کو ذاتی حیثیت یا بذریعہ وکیل پیش ہونے کی ہدایت کی ہے۔

عمران خان کو بھیجے گئے نوٹس میں کہا گیا ہے کہ عمران خان نے 12جولائی کو بھکر جلسے میں چیف الیکشن کمشنر کے خلاف توہین آمیز ریمارکس دیے اور الیکشن کمیشن پر بے بنیاد الزامات لگائے۔

عمران خان نے 18 جولائی کو عوام سے خطاب میں بھی توہین آمیز ریمارکس اور الزامات لگائے، اس کے علاوہ انہوں نے 21 اور 27جولائی کو بھی چیف الیکشن کمشنر کےخلاف توہین آمیز ریمارکس دیے۔