جواب طلبی ضرور ہوگی اور جلد ہوگی:شاہ محمود قریشی

ٹوئیٹر پر جاری پیغام میں سابق وزیر خارجہ شاہ محمود قریشی نے کہا کہ اسلام آباد میں بیٹھے حکمران طاقت اور انتقام کے نشے میں اس قدر اندھے ہو چکے ہیں کہ تمام جمہوری اقدار اور انسانی حقوق کو پامال کر رہے ہیں۔

انہوں نے بات جاری رکھتے ہوئے کہا کہ ایک سیاسی قیدی شہباز گِل پر مسلسل بدترین ذہنی اور جسمانی تشدد کیا جارہا ہے، اس بیہمانہ تشدد کے مرتکب افراد سے جواب طلبی ضرور ہوگی اور جلد ہوگی۔

اس سے قبل رہنما تحریک انصاف فواد چودھری اپنے ایک بیان میں کہا کہ تحریک انصاف شہباز گل پر بیہمانہ تشدد کی مذمت کرتی ہے۔ ان پر جسمانی و ذہنی تشدد کے یساتھ ساتھ جنسی تشدد کیا گیا۔

انہوں نے کہا کہ تشدد کسی بھی جماعت، فرد اور طبقے کے لیے ناقابل قبول ہے اور یہ ممکن ہی نہیں کہ کوئی اس کی حمایت کرے، یہ رات جلد ختم ہوگی اور اس رات کے آگے سحر ہے۔