بارشوں ، سيلاب کى تباہ کارياں :  این ڈی ایم اے  نے جانی و مالی نقصانات کی رپورٹ جاری کردی 

نيشنل ڈيزاسٹر مينجمنٹ اتھارٹى کی جانب سے جاری رپورٹ کے مطابق  گزشتہ  چوبيس گھنٹوں میں مزيد 73 افراد زندگى کى بازى ہار گئے ،  جس کے بعد ملک بھر میں حاليہ بارشوں اور سيلاب سےاب تک  جاں بحق ہونے والے افراد کى تعداد 903 ہوگئى ، سب سے زيادہ سندھ میں 293 اموات ريکارڈ ہوئىں جبکہ  بلوچستان میں حاليہ بارشوں سے  اب تک  230 افراد تک جان کی بازی ہار چکے ہیں ۔ 

رپورٹ  کے مطابق خيبرپختونخوا میں  جاں بحق  ہونے والے افراد کى تعداد 169 ريکارڈ کى گئى، پنجاب میں 164 جبکہ گلگت بلتستان میں 9 جبکہ آزاد کشمیر میں 37 افراد زندگى سے ہاتھ دھو بیٹھے ۔ 

ملک بھر میں بارشوں اور سيلاب سے اب تک  386  مرد 191 خواتين جبکہ 326 بچے جاں بحق ہوچکے ہیں ۔ گزشتہ چوبيس گھنٹوں کے دوران 55 افراد حاليہ بارشوں اور سيلاب سے زخمى ہوئے ، ملک بھر میں 14 جون سےاب تک  زخمى ہونے والے افراد کی کل تعداد 1293 ريکارڈ کى گئى ہے ۔  سب سے زیادہ سندھ میں  836 افراد ، بلوچستان میں 98 خيبر پختونخوا میں 230 جبکہ آزاد کشمير میں  20 زخمى رپورٹ ہوئے ہیں ۔ 

رپورٹ  میں بتایا گیا ہے کہ بارشوں اور سيلاب سے گزشتہ چوبيس گھنٹوں کے دوران 9693 گھروں کو نقصان پہنچا جبکہ 72340 گھر تباہ ہوئے۔  

ملک بھر میں 14 جون سے اب تک 197182 گھر تباہ جبکہ 298077 گھروں کو نقصان پہنچا، 7 لاکھ 8 ہزار سے زائد  مويشيوں کا نقصان ہوا جبکہ ملک بھر میں 130 پلوں کو نقصان پہنچا ہے ۔ 

گزشتہ چوبيس گھنٹوں کے دوران 150 کلو ميٹر سڑک کو نقصان پہنچا ہے  جبکہ  ملک بھر میں کل 3037 کلو ميٹر سڑکیں حاليہ بارشوں سے متاثر ہوئی ہیں ۔