شاہین شاہ آفریدی کے بعد وسیم جونیئر بھی ایشیا کپ سے باہر

تفصیلات کے مطابق ایشیا کپ شروع ہونے سے قبل ہی قومی کرکٹ ٹیم کے لیے مشکلات پیدا ہونا شروع ہو گئی ہیں، فاسٹ باؤلر شاہین شاہ آفریدی کے بعد محمد وسیم جونیئر بھی انجری کا شکار ہوکر ایونٹ سے باہر ہوگئے ہیں۔

میڈیا رپورٹس میں بتایا گیا ہے کہ گزشتہ روز فاسٹ باؤلر کا دبئی میں ایم آر آئی سکین کروایا گیا تھا، ایم آر آئی سکین رپورٹ کا جائزہ لینے کے بعد پی سی بی میڈیکل پینل نے انہیں وطن واپس بھیجنے کا فیصلہ کیا۔

فاسٹ باؤلر محمد وسیم جونیئر پریکٹس سیشن کے دوران سائیڈ سٹرین انجری کا شکار ہوگئے تھے، فاسٹ باؤلر حسن علی کو ان کے متبادل کے طور پر سکواڈ میں شامل کر لیا گیا ہے۔