گلگت بلتستان میں سیلاب سے 7 ہزار ملین سے زائد کا نقصان

گلگت بلتستان ڈیزاسٹر مینجمنٹ اتھارٹی کے مطابق اب تک سیلاب سے مجموعی طور پر 17 افراد جاں بحق جبکہ 6 افراد زخمی ہوئے ہیں۔

اتھارٹی کی جانب سے بتایا گیا ہے کہ گلگت بلتستان میں سیلاب سے 22 پاور ہاؤسز کو نقصان پہنچا جس میں سے 19 عارضی طور پر بحال کر دیے گئے ہیں۔

جاری اعداد و شمار کے مطابق 49 سڑکوں کو نقصان پہنچا جن میں سے 41 عارضی طور پر بحال کردی گئیں، پینے کے پانی کی 78 سپلائیز کو نقصان پہنچا جن میں سے 65 عارضی طور پر بحال کی گئی ہیں۔

اس کے علاوہ 500 آب پاشی کے چینلز اور 56 پلوں کو نقصان پہنچا جن میں سے اکثر کو عارضی طور پر بحال کیا جا چکا ہے، سیلاب سے مجموعی طور پر 7406 ملین کے نقصانات ہوئے ہیں۔