سیلاب کا خدشہ، وزیر اعلیٰ پنجاب کی میانوالی کی انتظامیہ اور متعلقہ ادارے کوالرٹ رہنے کی ہدایت

وزیر اعلیٰ پنجاب چودھری پرویز الٰہی نے سماجی رابطے کی ویب سائیٹ ٹوئیٹر پر جاری پیغام میں انتظامیہ کو ہدایات جاری کرتے ہوئے کہا کہ کسی بھی صورت حال سے نمٹنے کے لیے تمام تیاریاں مکمل رکھی جائیں۔

انہوں نے کہا کہ لوگوں کے بروقت انخلاء کے لیے تمام  وسائل بروئے کار لائے جائیں، حفاظتی انتظامات ہر لحاظ سے مؤثر اور جامع ہونے چاہئیں۔

وزیر اعلیٰ پنجاب ہدایت کی کہ ادویات، پینے کے صاف پانی، مویشیوں کے لیے چارہ اور ضروری ساز و سامان کا وافر سٹاک رکھا جائے

ان کا مزید کہنا تھا کہ دریائے سندھ میں پانی کے بہاؤ کو24 گھنٹے مانیٹر کیا جائے، متعلقہ افسران دریا کے بند اور حفاظتی پشتوں کا موقع پر جا کر خود جائزہ لیں، کشتیاں،ڈی واٹرنگ سیٹ اور دیگر آلات سوفیصد فنکشنل ہونے چاہئیں۔

ادویات،پینے کے صاف پانی، مویشیوں کیلئے چارہ اور ضروری ساز و سامان کا وافر سٹاک رکھا جائے۔دریائے سندھ میں پانی کے بہاؤ کو24 گھنٹے مانیٹر کیا جائے۔متعلقہ افسران دریا کے بند اور حفاظتی پشتوں کا موقع پر جا کر خود جائزہ لیں.
کشتیاں،ڈی واٹرنگ سیٹ اور دیگر آلات سوفیصد فنکشنل ہونے چاہئیں

— Ch Parvez Elahi (@ChParvezElahi) August 28, 2022