ایشیا کپ: بھارت کیخلاف پاکستان کی ممکنہ پلیئنگ الیون کے نام سامنے آگئے

ذرائع کے مطابق قومی ٹیم میں کپتان بابراعظم ، محمد رضوان ، فخر زمان ، آصف علی ، خوشدل شاہ اور افتخار احمد شامل ہیں۔

نسیم شاہ کے ساتھ دیگر دو فاسٹ بولرز حارث رؤف اور شاہنواز داہانی بھی قومی ٹیم کی نمائندگی کریں گے۔

 اسپنرز میں شاداب خان اور محمد نواز ٹیم میں شامل ہوں گے۔

شائقین کرکٹ اس بڑے مقابلے میں دونوں ممالک کے بڑے بولرز شاہین شاہ آفریدی اور جسپریرت بھمرا کو مِس کریں گے۔

میچ پاکستانی وقت کے مطابق شام سات بجے شروع ہوگا۔