بنگلہ دیش نے بھی سیلاب متاثرین کیلئے امدادی سامان بھیجنے کا اعلان کر دیا

تفصیلات کے مطابق بنگلہ دیش کی وزیراعظم شیخ حسینہ واجد نے کہا ہے کہ بنگلہ دیش پاکستان کے سیلاب متاثرین کے لیے امداد بھیجے گا جبکہ انہوں نے پاکستان کے لیے کھانے اور دیگر سامان بھیجنے کا بندوبست کرنے کی  بھی ہدایت کر دی ہے۔

اپنے ایک بیان میں ان کا کہنا تھا کہ سیلاب سے متاثرہ علاقوں میں بچے سب سے زیادہ متاثر ہوئے ہیں، سیلاب متاثرین کی مدد کرنا ہمارا فرض ہے جو ہم ادا کریں گے۔

دوسری جانب پاکستان کے لیے مختلف ممالک اور بین الاقوامی اداروں سے مالی اور دیگر امداد کا سلسلہ جاری ہے، حکومت کا کہنا ہے کہ اب تک سیلاب متاثرین کے لیے 131 ارب روپے کی نقد رقم موصول ہو چکی ہے۔