بھارتی اداکار سدھارتھ شکلا کی پہلی برسی 

40 سالہ بھارتی اداکار سدھارتھ شکلا کو  2ستمبر 2021 کو دل کا دورہ پڑنے کے باعث ممبئی کے اسپتال میں منتقل کیا گیا تھا تاہم وہ جانبر نہ ہوسکے ۔ 

سدھارتھ شکلا 12 دسمبر 1980 کو بھارتی شہر ممبئی میں پیدا ہوئے ، سدھارتھ شکلا نے بھارت کے مشہور سیریل بگ باس 13 میں بھی کردار ادا کیا تھا۔

 سدھارت شکلا  نے نامور بھارتی فلموں میں اداکاری کے جوہر دکھائے ، انہوں نے  فلم ہمپٹی شرما کی دلہنیا میں بھی اداکاری  کی جبکہ خطروں کے کھلاڑی، جھلک دکھلا جا سیزن 6 اور بگ باس کے سیزن 13 میں بھی حصہ لیا اور بگ باس کے سیزن 13  کے فاتح بھی ٹھہرے۔

سدھارتھ شکلا نے عالیہ بھٹ اور ورون دھون کی فلم ’ہمپٹی شرما کی دلہنیا‘ میں بھی بطور معاون اداکار کام کیا ۔  اس کے علاوہ وہ ویب سیریز میں بھی کام کرچکے ہیں ۔

سدھارتھ شکلا کی اچانک موت نے  بھارتی شوبز برادری کو صدمے اور دکھ سے دوچار کیا ، تاہم وہ آج بھی اپنے مداحوں  کے دلوں میں زندہ ہیں ۔