پی ٹی آئی رہنماؤں کیخلاف توہین الیکشن کمیشن کیس،توہین عدالت نوٹس کے رولز کے مطابق ہونے پر فیصلہ محفوظ

 الیکشن کمیشن میں چیئرمین تحریک انصاف عمران خان،اسد عمر اور فواد چوہدری کیخلاف توہین الیکشن کمیشن کیس کی سماعت ہوئی۔ توہین عدالت نوٹس کے رولز کے مطابق ہونے پر الیکشن کمیشن نے فیصلہ محفوظ کر لیا۔

الیکشن کمیشن نے توہین عدالت نوٹس کی قانونی حیثیت پر بھی فیصلہ محفوظ کرلیا۔ممبر نثار درانی کی سربراہی میں 4 رکنی بینچ نے کیس کی سماعت کی۔ 

پی ٹی آئی رہنماؤں کے وکیل الیکشن کمیشن میں پیش ہوئے،انہوں نے اسد عمر اور فواد چوہدری کا جواب جمع کرا دیافیصل چوہدری نے کہا کہ میری بات کا برا مت مانیے گا الیکشن کمیشن کے نوٹس میں تضاد ہے،الیکشن کمیشن کے الیکشن ایکٹ 10 کے تحت اختیارات ہائیکورٹ میں چیلنج ہیں،

کیا اس ایکٹ کے تحت الیکشن کمیشن نوٹس جاری کر سکتا ہے؟ فیصل چوہدری کا کہنا تھا کہ الیکشن کمیشن نے از خود نوٹس ملے،

سیکرٹری الیکشن کمیشن نے نوٹس جاری کیا اور وہ الیکشن کمیشن نہیں ہے،نوٹس کے ساتھ ٹرانسکرپٹ میں نثار درانی کا ذکر ہے،ممبر الیکشن کمیشن نے کہا کہ فیصلہ آج ہی سنایا جائے گا۔

ادھر انسداد دہشت گردی عدالت میں عمران خان کی ضمانت کی درخواست پر سماعت ہوئی۔ جج راجہ جواد عباس نے دوران سماعت استفسار کیا کہ عمران خان شامل تفتیش ہو گئے ہیں؟پی ٹی آئی کے وکیل بابر اعوان نے کہا کہ ہم نے تفتیش جوائن کر لی تھی۔

انہوں نے عمران خان کی گاڑی جوڈیشل کمپلیکس کے احاطے میں داخل کرنے کی استدعا کی،عدالت نے عمران خان کی گاڑی جوڈیشل کمپلیکس میں داخل ہونے کی اجازت دے دی۔ 

عدالت نے ریمارکس دئیے کہ آپ پہلے کہتے ہم اجازت دے دیتے،بابر اعوان نے کہا کہ روز مختلف تنظیموں کی جانب سے تھرٹ ملتا ہے،سب سے بڑا تھریٹ تھانوں کا ہے۔

فاضل جج نے استفسار کیا کہ ہمارے اپنے پراسیکیوٹر کدھر ہیں؟پہلے بھی دو پراسیکیوٹرز کو ڈی نوٹیفائی کیا جا چکا ہے،آپ بہت جلدی ڈی نوٹیفائی کر دیتے ہیں۔

بابر اعوان نے کہا کہ اسلام آباد ہائیکورٹ میں مقدمہ اخراج کی درخواست پر نوٹس ہو چکا ہے۔پولیس نے ہائیکورٹ کو غلط بتایا کہ عمران خان شامل تفتیش نہیں ہوئے،

عدالت نے قرار دیا کہ تفتیشی افسر فیئر انوسٹی گیشن کر کے تفتیش میں پیش رفت سے آگاہ کرے۔