کراچی میں ڈینگی کے حملے تیز

جی این این کے مطابق شہر میں ڈینگی سے متاثرہ افراد کی تعداد 3827 ہوگئی ہے ۔ گذشتہ چوبیس گھنٹوں کے دوران سب سے زیادہ 63 کیسز ضلع کورنگی میں رپورٹ ہوئے۔

محکمہ صحت سندھ کے مطابق ضلع شرقی میں 45، ضلع وسطی میں 26،  ضلع جنوبی میں ، 35، ضلع غربی 3،ضلع ملیر 14 اور ضلع کیماڑی میں 6 کیسز رپورٹ ہوئے ہیں ۔ 

خیال رہے کہ پاکستان میں ڈینگی کا پہلا کیس 1994 ء میں کراچی میں سامنے آیا لیکن بڑے پیمانے پر ڈینگی بخار 2010ء اور 2011ء میں نمودار ہوا ۔  ایک محدود اندازے کے مطابق 2011ء میں 370 کے قریب  مریض جان سے ہاتھ دھو بیٹھے جبکہ 15ہزار افراد اس سے متاثر ہوئے ۔