امریکا سے سیلاب زدگان کیلئے مزید تین پروازیں امدادی سامان لیکرپاکستان پہنچ گئیں

دفتر خارجہ کے ترجمان کے مطابق امریکا کی جانب سے سیلاب سے متعلق امدادی کارروائیوں کے لیے اب تک مجموعی طور پر 18 پروازیں پاکستان پہنچ چکی ہیں ۔

امداد لے کر ایک پرواز جناح انٹرنیشنل ایئرپورٹ کراچی پر اتری اور دو پروازیں سکھر ایئرپورٹ پر اتریں۔

ان امدادی پروازوں میں پاکستان کے سیلاب سے متاثرہ علاقوں میں انسانی ہمدردی کی بنیاد پر آپریشن کے لیے امدادی سامان پہنچانا ہے۔

 پاکستان نے امریکا کی جانب سے سیلاب سے متاثرہ علاقوں میں امدادی کارروائیوں کے لیے انسانی امداد کی فراہمی کا خیرمقدم کرتے ہوئے امریکا سے اظہار تشکر کے ساتھ کیا ہے۔