وزیرخارجہ بلاول بھٹو زرداری کی ملالہ یوسفزئی سے ملاقات

تفصیلات کے مطابق سماجی رابطے کی ویب سائٹ ٹوئٹر پر وزیرخارجہ بلاول بھٹو زرداری نے ملالہ یوسف زئی کے ہمراہ تصویر شیئر کی ہے ۔  بلاول بھٹو زرداری نے کہا  کہ ملالہ سے ملاقات میں خواتین کے حقوق اور لڑکیوں کی تعلیم سے متعلق تبادلہ خیال کیا گیا۔

وزیرِ خارجہ  نے کہا کہ ملاقات میں پاکستان میں سیلابی صورتحال اور موسمیاتی تبدیلی کے چیلنجز پر بھی گفتگو کی گئی  ، ان کا کہنا تھا  کہ  سیلاب سے ہزاروں اسکول تباہ ہو گئے جس سے لاکھوں بچوں کی تعلیم متاثر ہو رہی ہے۔

Met @Malala at #UNGA. Exchanged views on women rights & girls education. Discussed #PakistanFloods & challenges posed by this climate catastrophe to education for millions of young children affected, with thousands of schools destroyed & difficult days ahead. pic.twitter.com/LkWfDq9DsW

— BilawalBhuttoZardari (@BBhuttoZardari) September 20, 2022

واضح رہے کہ بلاول بھٹو زرداری اور ملالہ یوسف زئی کی ملاقات اقوام متحدہ کی جنرل اسمبلی کے اجلاس کے موقع پر ہوئی۔