اسحاق ڈار نے وزیر خزانہ  کا حلف اٹھا لیا

تفصیلات کے مطابق ایوان صدر میں ہونے والی تقریب میں صدر عارف علوی نے اسحاق ڈار سے عہدے کا حلف لیا۔ تقریب حلف برداری میں وزیراعظم شہباز شریف بھی موجود تھے۔ 

دو روز قبل 5 سال بعد اسحاق ڈار  وزیراعظم شہباز شریف کے ہمراہ پاکستان پہنچے تھے۔

خیال رہے کہ گزشتہ روز  سابق وزیر خزانہ اسحاق ڈار نے سینیٹ کی رکنیت کا حلف اٹھایا تھا  اور ان سے سینیٹ کے چیئرمین صادق سنجرانی نے حلف لیا۔

 مسلم لیگ (ن) نے اسحاق ڈار کو وزیر خزانہ نامزد کیا ہے۔

سینیٹر اسحاق ڈار نے وزارت کا حلف اٹھا کر پاکستان کے سب سے زیادہ مرتبہ وزیر خزانہ بننے کا اعزاز اپنے نام کرلیا ہے ۔

مالیاتی اور اقتصادی امور کے ماہر سینیٹر اسحاق ڈار کا تعلق پنجاب سے ہے اور ان کا شمار پاکستان مسلم لیگ (ن) کے سینیئر رہنماؤں میں ہوتا ہے۔