امارات میں ملازمین کے لیے بہت جلد 4 چھٹیوں کی خوشخبری

متحدہ عرب امارات میں ملازمین کو بہت جلد 4 چھٹیوں کی خوشخبری سنادی گئی۔

اماراتی میڈیا کے مطابق متحدہ عرب امارات میں اگلی تعطیل بالکل قریب ہے جو کہ 8 اکتوبر ہفتے کے روز 12 ربیع الاول کے موقع پر ہوگی ,

تاہم اس بار طویل ویک اینڈ کا زیادہ تر کے لیے امکان نہیں ہے کیوں کہ نبی صلی اللہ علیہ وسلم کے یوم ولادت کی تاریخ اس سال ہفتہ کے روز ہوگی، پرائیویٹ سیکٹر کے کارکنوں کو اس موقع پر 8 اکتوبر کو چھٹی دی گئی ہے۔

انسانی وسائل اور امارات کی وزارت (MOHRE) نے اعلان کیا ہے کہ ہفتہ 8 اکتوبر 2022ء کو نجی شعبے کے تمام ملازمین کے لیے پیغمبر اسلام ﷺ کے یوم ولادت کے موقع پر چھٹی بمعہ اُجرت ہوگی، عربی میں اس چھٹی کو عید میلاد النبی ﷺ کہا جاتا ہے اور حضرت محمد ﷺ کا یوم ولادت 12 ربیع الاول کو منایا جاتا ہے۔ 

The Ministry of Human Resources and Emiratisation (MoHRE) announced that Saturday, October 8, 2022, Rabi Al-Awwal 12, 1444 will be a paid leave for the private sector on the occasion of Prophet Muhammad’s (PBUH) birthday.#MoHRE pic.twitter.com/ho6FfiGOgj

— وزارة الموارد البشرية والتوطين (@MOHRE_UAE) September 27, 2022

بتایا گیا ہے کہ سرکاری اور نجی شعبے دسمبر میں ایک اور وقفے کی توقع کر سکتے ہیں، اس کا مطلب ہے کہ اگلا ممکنہ طویل ویک اینڈ ملک کے یوم یادگاری اور قومی دن کے لیے یکم اور 2 دسمبر کو ہو سکتا ہے، یہ اس سال جمعرات اور جمعہ کو ہوں گے، ان تاریخوں کے لیے سرکاری چھٹیاں جمعرات یکم دسمبر سے اتوار 4 دسمبر تک ہوں گی۔

معلوم ہوا ہے کہ دسمبر میں یوم یادگاری اور قومی دن آخری ممکنہ طویل ویک اینڈ کی چھٹی ہوگی، یادگاری دن ان لوگوں کی یاد میں میایا جاتا ہے جنہوں نے اپنے ملک کی خدمت کرتے ہوئے اپنی جانیں گنوائیں، یہ دن یکم دسمبر کو منایا جائے گا اور متحدہ عرب امارات کا قومی دن 2 دسمبر کو منایا ہوگا۔