آرمی چیف کی امریکی وزیر دفاع اور قومی سلامتی کے مشیر سے ملاقات

آئی ایس پی آر کے مطابق ملاقاتوں میں باہمی دلچسپی اور علاقائی سیکیورٹی صورت حال پر بات چیت کی گئی ۔ آرمی چیف  نے سیلاب متاثرین کی بحالی کے لیے امداد اور تعاون پر امریکی حکام سے اظہار تشکر کیا۔

آئی ایس پی آر کے مطابق امریکی رہنماؤں سے ملاقات کے دوران آرمی چیف نے فلوریڈا میں طوفان سے تباہی پر افسوس کا اظہار کیا۔

انہوں نے کہا کہ پاکستان متاثرین کے خاندانوں کے نقصان اور درد کو بخوبی سمجھتا ہے کیونکہ پاکستان بھی موسمیاتی تبدیلی کے اسی طرح کے اثرات سے دوچار ہے،  پاکستان سمندری طوفان کےنقصانات اورمتاثرین کےدرد کوبخوبی سمجھتا ہے . 

ترجمان پاک فوج کے مطابق دونوں ملکوں کے درمیان اقتصادی تعلقات، تجارت اور سرمایہ کاری کے زریعے باہمی تعاون بہتر بنانے پر بھی بات چیت ہوئی۔

ملاقات کے دوران افغانستان سمیت بڑے عالمی اشوز پر ہم آہنگی پائی گئی اور تعاون بڑھانے پر زور دیا گیا تاکہ انسانی بحران کو ٹالا جاسکے اور خطے میں امن اور استحکام کو بہتر بنایا جاسکے۔