مریم نواز نے طبیعت بگڑ نے پر دوبارہ کورونا ٹیسٹ کروا لیا

ذرائع مسلم لیگ ن کے مطابق مریم نواز کے گلے کا انفیکشن بڑھ گیا ہے، ڈاکٹر زنے مریم نواز کا کورونا ٹیسٹ تجویز کیاہے، لیگی رہنما نے ڈاکٹرز کے کہنے پر کورونا ٹیسٹ کروالیاہے اور رپورٹ کاانتظار ہے۔لیگی رہنما عطااللہ تارڑ کاکہناہے کہ مریم نواز کا علاج چل رہا ہے۔ مریم نواز صحت بہتر ہونے پر ہی سیاسی سرگرمیوں میں حصہ لے سکیں گی۔

واضح رہے کہ مسلم لیگ ن کی مرکزی نائب صدر مریم نواز چند روز سے علیل ہیں اور انہوں نے اپنی سیاسی سرگرمیاں منسوخ کردی ہے جبکہ نواز شریف کے ذاتی معالج ڈاکٹر عدنان بھی ان کے معائنے کیلئے لندن سے پاکستان آئے ہوئے ہیں ۔