شاداب خان انجری کے باعث قومی کرکٹ ٹیم سے باہر

تفصیٰلات کے مطابق پاکستان کرکٹ ٹیم کے آل راؤنڈر  شاداب قومی ٹیم سے باہر ہونے پر افسردہ ہوگئے ، جنوبی افریقا کے خلاف جوہانسبرگ میں کھیلے گئے دوسرے ون ڈے انٹرنیشنل میچ میں بیٹنگ کے دوران شاداب خان بائیں پاؤں پر گیند لگنے کے باعث انجری کا شکار  ہوئے۔

شاداب خان کا میڈیا سے گفتگو کرتے ہوئے کہنا تھا کہ بیٹنگ کے دوران میرے پیر پر لگی جس کی وجہ سے سیریز سے آؤٹ ہوا، میں اپنی پوری محنت کررہا ہوں، میں کوشش کے باوجود اس لیول پر پرفارم نہیں کرپارہا، انشا اللہ واپسی کرکے پاکستان کے لیے پھر سے میچز جیتوں گا۔

انجری کے باعث شاداب خان چار ہفتوں کے لیے کرکٹ سے دور ہو گئے ہیں، لہٰذا وہ دورہ جنوبی افریقا کے باقی میچز  اور  دورہ زمبابوے کے لیے ٹیم کو دستیاب نہیں ہوں گے۔جبکہ انجری کا شکار ہونے پر  شاداب خان کا ایکسرے کروایا گیا جس میں انٹرا  آرٹیکلور کیمونیکیٹڈ فریکچر تشخیص ہوا، جس پر ڈاکٹروں نے انہیں چار ہفتوں کے لیے ری ہیب تجویز کیا ہے۔