اوباڑو: قومی شاہراہ پر مسافر بس میں آتشزدگی 

پولیس کے مطابق کراچی سے بہاولپور جانے والی بس میں اوباڑو کے مقام پر آگ بھڑک اٹھی،  کوچ میں 55 مسافر سوار تھے تاہم خوش قسمتی سے تمام مسافر محفوظ رہے۔

پولیس نے واقعے کی تفصیل بتاتے ہوئے کہا  بس کا ٹائر پھٹنے سے حادثہ  پیش آیا ،آگ کے باعث بس مکمل جل گئی ۔  ریسکیو نہ ہونے سے مسافروں کو مشکلات کا سامنا،  اہل علاقہ نے اپنی مدد آپ کے تحت مسافروں کو بچایا ۔

پولیس موٹروے پولیس ٹی ایم اے عملہ تحصیل انتظامیہ جائے حادثہ پر پہنچ گئی ،  آگ لگنے سے بھگدڑ مچ گئی جس کی وجہ سے  کچھ  مسافر معمولی زخمی ہوگئے۔