دھونس، گالی اوردھمکی سے الیکشن کی تاریخ نہیں ملے گی : مریم اورنگزیب 

تفصیلات کے مطابق وفاقی وزیراطلاعات مریم اورنگزیب نے  اسلام آباد میں میڈیا سے بات کرتے ہوئے کہا کہ عمران خان کے  لانگ مارچ کا مقصد اپنی کرپشن چھپانا ہے ، ان کے ہاتھ پہلے کچھ نہیں آیا، اب بھی کچھ نہیں آنا،  عمران خان کو وضاحت کریں کہ وہ اسلام آباد کی طرف اپنے لانگ مارچ کے دوران کنٹینر پر کی جانے والی تقاریر میں کس کو دھمکیاں دے رہے ہیں۔ 

ان کاکہنا تھا  کہ عمران خان کہتے ہیں پورا پاکستان کھڑا ہے لیکن کچھ لوگوں کے مجمع کو عوام نہیں کہا جاسکتا، عمران خان کہتے ہیں کہ میڈیا آزاد نہیں اگر میڈیا آزاد نہ ہوتا آپ کی آواز یہاں تک نہ آتی۔ 

وفاقی وزیراطلاعات  نے  کہا کہ ریاست اپنے لوگوں کی حفاظت کرنا جانتی ہے ، عمران خان  خون خرابے سے انقلاب چاہتے ہیں ، ایک طرف ادب دوسری طرف گالی ، دماغ کی خرابی اور فرسٹیشن ہے ، عمران خان نے آرمی چیف کو اقتدار بچانے کیلئے تاحیات ایکسٹینشن کی آفردی تھی ، آرمی چیف کو مدت ملازمت میں تاحیات توسیع کی پیش کش آئین سے کھلواڑ ہے۔ 

انہوں نے مزید کہا کہ  حکومت عمران خان کے دھرنے سے نمٹنا جانتی ہے ، عمران خان کو گھر بھیج دیں گے، انہیں اپنے منصوبے میں کامیاب نہیں ہونے دیں گے۔