پاکستانی پاسپورٹ پر شہری کتنے ممالک میں ویزا فری سہولت حاصل کر سکیں گے؟

ویب ڈیسک: ہینلے پاسپورٹ انڈیکس کی جانب سے سال 2025 کی رینکنگ جاری کردی گئی ہے۔

نئی جاری کر دہ رینکنگ میں پاکستانی پاسپورٹ کی پوزیشن مزید بہتر ہوئی ہے اور پاکستانی پاسپورٹ نے 13 درجے بہتری کے ساتھ 100ویں پوزیشن حاصل کر لی ہے۔

 پاکستانی پاسپورٹ پر اب کئی ممالک میں ویزا فری یا ویزا آن آرائیول سہولت دستیاب ہے، جس سے عالمی سفر نسبتاً آسان ہو گیا ہے۔

پا کستانی پا سپورٹ پر شہری 32 ممالک میں ویزا فری سفری سہولت حاصل کر سکیں گے۔

ڈی جی پاسپورٹس نے پاسپورٹ رینکنگ میں بہتری پر قوم کو مبارکباد دی ہے، ان کاکہنا تھا کہ پاکستانی پاسپورٹ میں جدید سیکیورٹی فیچرز متعارف کرائے گئے ہیں۔

ڈی جی پاسپورٹس نے کہا کہ ای پاسپورٹس ہولڈرز کے لیے جلد تمام ائیرپورٹس پر ای گیٹس کی سہولت میسر ہوگی، پاسپورٹ بنوانے آنے والوں کو جدید سہولیات کے تحت بروقت ڈیل کیا جا رہا ہے۔

خیال رہے کہ 2025 ء کی فہرست میں سنگاپور کے پاسپورٹ کو دنیا کا طاقتور ترین پاسپورٹ قرار دیا گیا ہے، دوسرے نمبر جاپان اور جنوبی کوریا، تیسرے نمبر پریورپی ممالک ڈنمارک، فرانس، فن لینڈ، جرمنی، آئیر لینڈ، اسپین اور اٹلی ہیں۔

اسی طرح ترکیہ کا پاسپورٹ 49، چین کا 64 اور بھارت کا پاسپورٹ 82 ویں نمبر پر ہے۔

واضح رہے کہ اس سے قبل گزشتہ سال کی پاسپورٹ رینکنگ میں پاکستان کا پاسپورٹ دنیا میں آخری 4 پاسپورٹس میں شامل تھا، ایک سال کے دوران بتدریج پاکستانی پاسپورٹ کی رینکنگ میں 2 درجے بہتری آئی ہے، یہ بہتری عالمی سطح پر پاکستان کے امیج میں نمایاں تبدیلی کا اشارہ ہے۔