چین میں مدعو کیے گئے چند رہنماؤں میں شمولیت اعزاز ہے : وزیراعظم

تفصیلات کے مطابق  وزیرِ اعظم شہباز شریف نے چین روانگی سے قبل سوشل میڈیا پر جاری کیے گئے بیان میں کہا کہ آج بیجنگ کے لیے روانہ ہو رہا ہوں ، اس وقت جب دنیا متعدد چیلنجز سے نبرد آزما ہے، پاکستان اور چین دوست اور شراکت دار کے طور پر کھڑے ہیں۔

وزیرِ اعظم شہباز شریف نے کہا  کہ چینی قیادت کے ساتھ بات چیت اہم شعبوں خصوصاً سی پیک پر مرکوز ہو گی ۔

انہوں نے مزید کہا کہ چین پاکستان اقتصادی راہداری لوگوں کا معیارِ زندگی بہتر بنائے گی ، سی پیک کا دوسرا مرحلہ سماجی اور اقتصادی ترقی کے نئے دور کا آغاز ہے،  چین کی اقتصادی ترقی سے بہت کچھ سیکھاجا سکتا ہے۔

My discussions with Chinese leadership will focus on revitalization of CPEC among many other things. 2nd phase of CPEC promises to usher in a new era of socio-economic progress that will uplift quality of our people's lives. There is a lot to learn from Chinese economic miracle. https://t.co/A6knRLzN6l

— Shehbaz Sharif (@CMShehbaz) November 1, 2022

واضح رہے کہ وزیرِ اعظم شہباز شریف آج (یکم نومبر کو) چین روانہ ہو رہے ہیں، اعلیٰ سطحی وفد بھی ان کے ہمراہ ہو گا۔وزارتِ عظمیٰ کا منصب سنبھالنے کے بعد وزیرِ اعظم شہباز شریف کا چین کا یہ پہلا دورہ ہے۔