امریکی وسط مدتی انتخابات : ایوان نمائندگان میں ری پبلکنز کا کنٹرول

غیرملکی میڈیا کے مطابق امریکا کے ایوان نمائندگان میں 9 اضافی نشستوں کے ساتھ ریپبلکنز نے کنٹرول حاصل کرلیا ہے ۔

ریپبلکنز نے امریکا کے مڈٹرم الیکشنز میں 218 نشستیں حاصل کرلیں ، جبکہ ڈیموکریٹس 9 نشستوں پر ناکام ہوئے  اور 435 رکنی ایوان میں 210 نشستیں لے پائے۔

سینیٹ میں ڈیموکریٹ کی برتری ہے، ایک اضافی نشست کے ساتھ 50 نشستیں حاصل کرلیں تاہم صدر بائیڈن کے لیے قانون سازی مشکل ہوگئی ہے۔

ریپبلکنز ایک نشست کھو کر 49 نشستیں حاصل کر پائے، مچ میکونیل سینیٹ میں ان کے اقلیتی لیڈر منتخب ہوگئے۔

امریکی صدر جو بائیڈن نے ریپبلکنز کو اس کامیابی پر مبارکباد دیتے ہوئے کہا کہ وہ امریکی عوام کی خدمت کے لیے ریپبلکن پارٹی کے ساتھ کام کے لیے تیار ہیں۔

حالیہ نتائج کے مطابق ڈیموکریٹ سینیٹ میں 50 جبکہ ریپبلکنز 49 سیٹیں حاصل کرنے میں کامیاب ہوئے۔

امریکہ میں وسط مدتی انتخابات کو عام طور پر صدارتی مدت کے پہلے دو برسوں پر ہونے والا ریفرنڈم سمجھا جاتا ہے ، جس میں حکومتی جماعت کو اکثر شکست کا سامنا کرنا پڑتا ہے۔