نوواک جوکووچ پر پابندی ختم ، آسٹریلین اوپن میں حصہ لیں گے

تفصیلات کے مطابق سربیائی نژاد ٹینس پلیئر نوواک جوکووچ 2023 کے آسٹریلین اوپن میں حصہ لیں گے ۔

نوواک جوکووچ نے کہا ہے کہ انہیں 2023 کے آسٹریلین اوپن کھیلنے کے لیے میلبورن جانے کا ویزا مل گیا ہے۔

اٹلی کے مقام ٹورین میں اے ٹی پی فائنلز میں آندرے روبلیو کو شکست دینے کے بعد سربیائی کھلاڑی نے کہا کہ میں یہ خبر پا کر بہت خوش ہوں کہ ایک مرتبہ پھر میں آسٹریلین اوپن کھیل سکوں گا . 

آسٹریلین اوپن چیمپیئن رافیل نڈال نے نواک جوکووچ کو آسٹریلوی ویزا جاری ہونے پر خوشی کا اظہار کرتے ہوئے کہا ہے کہ یہ ایک بہترین خبر ہے، میں ہمیشہ کہتا ہوں ٹینس اُس وقت بہترین ہے جب کورٹ میں بہترین کھلاڑی ہوں۔

رافیل نڈال نے مزید کہا کہ راجر فیڈرر اب ٹینس نہیں کھیل رہے، میں نے انجریز کے باعث اہم ٹورنامنٹ مس کیے، نواک پچھلا آسٹریلین اوپن نہیں کھیلے،  اب یہ ماضی کا حصہ ہے ، اچھی خبر یہ ہے کہ اب نواک کھیلیں گے، وائرس اب کنٹرول ہوچکا ہے تو پھر کیوں نہ سب کھیلیں۔

نواک جوکووچ کی غیر موجودگی میں اسپین کے رافیل نڈال نے آسٹریلین اوپن جیتا تھا۔

آسٹریلیا نے نوواک جوکووِچ کا کورونا ویکسین سٹیٹس درست نہ ہونے پر ان پر تین سال کی پابندی لگاتے ہوئے ان کو رواں سال کے ٹورنامنٹ کھیلنے سے روک دیا تھا۔

آسٹریلوی میڈیا کے مطابق حکومت نے غیر ویکسین شدہ نوواک جوکووچ کو ویزا دینے کا فیصلہ کیا ہے ، ان پر عائد تین سال کی پابندی کو بھی ختم کر دیا ہے ۔

نو مرتبہ کے آسٹریلین اوپن چیمپئن جوکووچ اے ٹی پی سیزن کے ختم ہونے والے فائنلز کے آخری چار میں روبلیو کے خلاف 6-4، 6-1 سے جیت کے ساتھ جگہ بنائی ہے۔