لاہور:پی ٹی آئی رہنما فرخ حبیب اور پولیس کے درمیان جھگڑا
لاہور ہائیکورٹ کے حکم کو ہوا میں اُڑا دیا گیا ، پولیس پاکستان تحریک انصاف کے رہنما فواد چودھری کو لیکر اسلام آباد روانہ ہو گئی ہے ۔
حی این این نیوز کے مطابق اسلام آباد پولیس کے ہمراہ ایلیٹ فورس کی 14 گاڑیاں فواد چودھری سروسز ہسپتال سے چیک اپ کے بعد اسلام آباد لیکر رونہ ہو گئی ہے،جبکہ کالا شاہ کاکو انٹر چینج پر پی ٹی آئی رہنما فرخ حبیب کی جانب سے پولیس کو فواد چودھری کو اسلام آباد منتقل کرنے سے روکا۔
فرخ حبیب نے گاڑی کے سامنے آ کر احتجاج کیا اور کہا کہ پولیس عدالتی حکم کے بغیر فواد چودھری کو اسلام آباد نہیں لے جا سکتی ۔
Police taking Fawad ch to Islamabad by set a siding Lahore high court orders. I was only try to remind police about Lahore high court orders but they forcefully taken him to ISB. Seems police obeying orders of some one more power full then courts. pic.twitter.com/A4vuNG6Ryf
— Farrukh Habib (@FarrukhHabibISF) January 25, 2023
دوسری جانب عدالت نے آئی جی اسلام آباد اور آئِی پنجاب پولیس کو 6 بجے عدالت پہنچنے کا حکم دیدیا۔
واضح رہے کہ پی ٹی آئی رہنماؤں کی جانب سے لاہور ہائیکورٹ میں فواد چوہدری کی بازیابی کے لیے درخواست دائر کی گئی۔لاہور ہائیکورٹ نے فواد چوہدری کی بازیابی کے لیے درخواست سماعت کے لیے مقرر کرتے ہوئے حبس بے جا کی درخواست جسٹس طارق سلیم شیخ کو بھجوا دی۔
عدالت نے فواد چودھری کو لاہور ہائیکورٹ پیش کرنے کا حکم بھی دے دیا۔عدالت نے ہدایت کی ہے کہ فوادچودھری کو ایک بجکر30منٹ تک لاہور ہائیکورٹ میں پیش کیا جائے۔
