صوبہ خیبر پختونخواء کی نگران کابینہ تشکیل دے دی گئی

گورنر خیبر پختونخواء غلام علی نے نگران کابینہ کے ارکان تعینات کر دیے۔ نگران کابینہ میں عبدالحلیم قصوریہ، سید مسعود شاہ، حامد شاہ، جسٹس (ر) ارشاد قیصر اور منظور خان آفریدی شامل ہیں۔

اس کے علاوہ شفیع اللّٰہ خان، شاہد خان خٹک، حاجی غفران، ساول نذیر ایڈووکیٹ، بخت نواز، فضل الہٰی اور عدنان جلیل بھی کابینہ کا حصہ ہیں۔

 محکمۂ انتظامیہ کے مطابق نگران کابینہ میں خوشدل خان ملک، تاج محمد آفریدی اور محمد علی شاہ بھی شامل ہیں۔

 نگران کابینہ کے ارکان آج سہ پہر تین بجے  گورنر ہاوس میں حلف لیں گے۔