فواد چودھری کے جسمانی ریمانڈ کی درخواست مسترد

اسلام آباد: تحریک انصاف کے رہنما فواد چودھری کو 14 روزہ جوڈیشل ریمانڈ پر جیل بھیج دیا گیا۔

الیکشن کمیشن کے خلاف نفرت پھیلانے کے کیس میں رہنما فواد چودھری کے جسمانی ریمانڈ کی استدعا مسترد کردی۔

جوڈیشل مجسٹریٹ وقاص احمد راجہ نے فواد چودھری کے مزید جسمانی ریمانڈ کی استدعا پر محفوظ فیصلہ سنا دیا ہے۔

الیکشن کمیشن کے وکیل سعدحسن اور پی ٹی آئی وکلا عدالت پیش ہوئے، دوران سماعت وکیل بابراعوان ، فیصل چودھری، علی بخاری بھی کمرہ عدالت میں موجود تھے۔

 ڈسٹرکٹ اینڈ سیشن کورٹ اسلام آباد میں پراسیکیوٹر کا کہنا تھا کہ فواد چودھری آئینی ادارے کیخلاف نفرت پیدا کر رہے ہیں، رہنما پی ٹی آئی کے بیان سے الیکشن کمیشن کے ورکرز کی جان کو خطرہ پیدا کیا جا رہا ہے۔