فاسٹ بولر وہاب ریاض بھی پنجاب کی نگران کابینہ میں شامل

لاہور: گورنر پنجاب بلیغ الرحمان نے نگران وزرا سے حلف لیا،پنجاب کے نامزد 11 نگران وزرا میں سے 8نے حلف اٹھا لیا ۔

تفصیلات کے مطابق نگران کابینہ صوبے میں انتخابات ہونے تک ذمہ داریاں سنبھالے گی، حلف اٹھانے والوں میں ایس ایم تنویر، ڈاکٹرجاوید اکرم، ابراہیم مراد، بلال افضل، ڈاکٹر جمال  ناصر، منصور  قادر،  سید اظفر علی ناصر اور عامر میر شامل ہیں۔

ذارئع کا کہنا ہے کہ فاسٹ باؤلر وہاب ریاض ملک سے باہر ہونے کے باعث حلف نہ اٹھا سکے۔

2 نامزد ارکان تمکنت کریم اور نسیم صادق نے بطور نگران وزیر حلف اٹھانے سے انکار کردیا ہے جس کی وجہ سامنے نہیں آسکی۔