رمضان کا چاند دیکھنے کیلئے مرکزی رویت ہلال کمیٹی کا اجلاس کل ہو گا

تفصیلات کے مطابق رمضان المبارک کا چاند دیکھنے کیلئے مرکزی رویت ہلال کمیٹی کے اجلاس کی صدارت چیئرمین مولانا عبدالخبیر آزاد کرینگے۔ مرکزی رویت ہلال کمیٹی کا اجلاس ایڈمنسٹریٹراوقاف کے دفتر عید گاہ میں منعقد ہوگا۔ دوسری جانب پشاور کی مقامی رویت ہلال کمیٹی کا اجلاس آج مسجد قاسم علی خان میں ہوگا،غیر سرکاری رویت ہلال کمیٹی کی صدارت مفتی شہاب الدین پوپلزئی کریں گے۔

واضح رہے کہ مرکزی رویت ہلال کمیٹی پاکستان کو سرکاری سطح پر چاند نظر آنے کا اعلان کرنے کا اختیار حاصل ہے۔ اس حوالے سے  رویت ہلال کمیٹی کے چیئرمین مولانا عبد الخیر آزاد کاکہنا ہے  کہ ماضی میں چاند دیکھنے کے حوالے سے متعدد اعلانات کی وجہ سے ملکی امیج کو نقصان پہنچا ہے۔   مولانا عبدالخیر آزاد  نے   کہا کہ ہم رمضان کے مہینے کا چاند دیکھنے  کے لئے 13 اپریل کو پشاور میں اگلا اجلاس منعقد کر رہے ہیں اور مفتی پوپل زئی سے درخواست کی گئی ہے کہ وہ خود یا  اپنے نمائندوں میں سے کسی ایک کو بھی اتفاق رائے سے فیصلہ کرنے کے لئے بھیجیں۔" مرکزی رویت ہلال کمیٹی پاکستان کے سربراہ مولانا عبد الخیر نے کہا کہ پہلی بار ، مرکزی کمیٹی نے ضلعی سطح پر رویت ہلال کمیٹیاں تشکیل دی ہیں تاکہ اس بات کا یقین کیا جاسکے کہ عینی شاہدین سے پوچھ گچھ  کی جاسکے۔

دوسری جانب محکمہ موسمیات کے مطابق  لاہور میں 13 اپریل کو رمضان کا چاند دکھائی دینے کا امکان ہے،محکمہ موسمیات کے مطابق لاہور شہر میں 13 اپریل کو مطلع صاف رہے گا۔محکمہ موسمیات نے مزید کہا ہے کہ رمضان المبارک کے دوران موسم گرم اور خشک رہے گا،جبکہ  15 روزوں کے بعد درجہ حرارت میں اضافہ ہو گا.

خیال  رہے کہ سعودی عرب میں اتوار 11 اپریل کو رمضان المبارک کا چاند مملکت میں کہیں بھی نظر نہیں آیا  ہے ، لہٰذا پیر 12 اپریل کو شعبان کی 30 اور یکم رمضان منگل 13 اپریل کو ہونے کا اعلان کیا گیا ہے ۔