سعودی عرب نے مفت ٹرانزٹ ویزے پر عمرے اور سیاحت کی اجازت دیدی

ریاض: سعودی عرب نے اسٹاپ اوور مسافروں کو 4 روز کے لیے عمرے یا سیاحت کے لیے فری ٹرانزٹ ویزے پر داخل ہونے کی اجازت دینے کا فیصلہ کیا ہے۔

سعودی میڈیا کے مطابق سیاحت کے فروغ اور زیادہ سے زیادہ افراد کو عمرے کی سعادت حاصل کرنے کا موقع فراہم کرنے کیلئے سروس شروع کی ہے، یہ سہولت سعودیہ ایئر لائنز اور فلائناس کے اسٹاپ اوور مسافروں کو فراہم کی جائے گی۔

 ٹرانزٹ ویزہ کی میعاد 3 ماہ ہوگی، اسٹاپ اوور مسافر وں کے لیے 24، 48، 72 اور 96 گھنٹے کے سفری پروگرام کی پیشکش کی گئی ہے جس میں قیام، طعام اور گھوم پھر بھی سکیں گے۔