شیخ رشید احمد مری موٹر وے سے گرفتار

راولپنڈی: عوامی مسلم لیگ کے سربراہ شیخ رشید مری موٹروے سے گرفتار کرلیا، شیخ رشید کو اسلام آباد کے تھانہ آبپارہ سے میڈیکل کیلئے پولی کلینک اسپتال منتقل کیا گیا۔

پولیس حکام کا دعوی ہے کہ شیخ رشید نشے کی حالت میں تھے، شیخ رشید سے مہنگے برانڈ کی شراب ، ایم 4رائفل، کلاشنکوف اورآٹومیٹک گن بھی برآمد کی گئی ہے، شیخ رشید کے خلاف آبپارہ تھانے میں مقدمہ درج ہے۔

ذرائع کے مطابق شیخ رشید کیخلاف آب پارہ تھانے میں پی پی راولپنڈی ڈویژن کے صدر راجہ عنایت الرحمان کی درخواست پرمقدمہ درج کیا گیا تھا،شیخ رشیدکوصبح علاقہ مجسٹریٹ کی عدالت میں پیش کیاجائیگا۔

سابق وزیر داخلہ شیخ رشید نے کہا کہ پولیس نے میرے گھر کے دروازے توڑے اورمیرے گھر میں 100سے200لوگ داخل ہوئے،پولیس نے میرے ملازمین پر تشدد کیا،پولیس زبردستی مجھے گاڑی میں ڈال کر لے آئی ہے، مجھے رانا ثنا اللہ کے کہنے پر گرفتار کیا گیاہے۔

عوامی مسلم لیگ کے سربراہ نے کہا کہ ہائی کورٹ سے ریلیف ملنے کے باوجودگرفتارکیاگیا، آج اسلام آبادہائی کورٹ میں توہین عدالت کی درخواست دائرکریں گے۔

سابق وزیراعظم عمران خان کا ٹویٹ

شیخ رشید کی گرفتاری کی شدیدمذمت کرتاہوں۔رسوائےزمانہ ECPکی مقررکردہ ایسی متعصّب+منتقم نگران حکومت تاریخ میں اس سےپہلےہم پرکبھی مسلط نہ ہوئی۔سوال یہ ہےکہ آیا پاکستان اس عوامی تحریک کامتحمل ہوسکتاہےجس کیجانب ہمیں ایسےوقت میں دھکیلاجارہاہےجب امپورٹڈسرکار ہمارا دیوالہ نکال چکی ہے؟

شیخ رشید کی گرفتاری کی شدیدمذمت کرتاہوں۔رسوائےزمانہ ECPکی مقررکردہ ایسی متعصّب+منتقم نگران حکومت تاریخ میں اس سےپہلےہم پرکبھی مسلط نہ ہوئی۔سوال یہ ہےکہ آیا پاکستان اس عوامی تحریک کامتحمل ہوسکتاہےجس کیجانب ہمیں ایسےوقت میں دھکیلاجارہاہےجب امپورٹڈسرکار ہمارا دیوالہ نکال چکی ہے؟

— Imran Khan (@ImranKhanPTI) February 1, 2023

درخواست کا متن
شیخ رشیدنے نجی چینل پرآصف زرداری سے متعلق دہشتگردوں کی خدمات لینے کا بیان دیا،شیخ رشید نے یہ تمام بیان تیار کردہ شازش کے تحت دیا ہے،شیخ رشیدمن گھڑت سازش کاذکرکرکے پی پی اورپی ٹی آئی میں دشمنی چاہتے ہیں۔

شیخ رشید کی گرفتاری پر رہنما پی ٹی آئی مراد سعید کا ٹویٹ
شاندانہ گلزارپربغاوت کامقدمہ اورشیخ رشید گرفتاراللہ پاکستان کی حفاظت فرمائے،ہمارے پیاروں کے جنازے اٹھ رہے ہیں لیکن انکی ترجیحات ملاحظہ ہوں،شیخ رشید کی گرفتاری کی مذمت کرتے ہیں۔

سانحہ پشاور نے پوری قوم کو رلا دیا، رجیم چینج آپریشن کے دوسرے مرحلے میں ہزاروں شہدا کی قربانیوں سے حاصل کردہ امن تباہ ہو رہا ہے،ہمارے پیاروں کے جنازے اٹھ رہے ہیں لیکن انکی ترجیحات ملاحظہ ہو۔شاندانہ گلزار پر بغاوت کا مقدمہ اور شیخ رشید گرفتار۔ یا اللہ پاکستان کی حفاظت فرما آمین

— Murad Saeed (@MuradSaeedPTI) February 1, 2023

شیخ رشید کی گرفتاری پر سابق ڈپٹی اسپیکر قاسم سوری نے مذمت کرتے ہوئے کہا کہ اسلام آباد ہائیکورٹ کے احکامات تھے کہ شیخ رشیدکوسوموارتک گرفتارنہیں کیاجائیگا۔