سندھ پولیس کی درخواست مسترد، شیخ رشید کو اڈیالہ جیل بھجوا دیا گیا

کراچی : اسلام آباد کی عدالت نے سندھ پولیس کی شیخ رشید کی راہداری ضمانت کیلئے درخواست مسترد کرکے انہیں اڈیالہ جیل بھجوانے کا حکم دے دیا ہے۔ جوڈیشل مجسٹریٹ عمر شبیر نے محفوظ شدہ فیصلہ سنایا۔ 

کراچی  کےتھانہ موچکو میں درج مقدمہ میں راہداری ریمانڈ کیلئے سندھ پولیس نے عدالت سے رجوع کیا تھا ۔جوڈیشل مجسٹریٹ عمر شبیر نے شیخ رشید کے راہداری ریمانڈ کی درخواست خارج  کردی۔ عدالت کا کہنا ہے کہ متعلقہ عدالت سے اجازت لیں اور پھر آرڈر عدالت میں جمع کروائیں ۔ 

دوسری طرف ڈسٹرکٹ اینڈ سیشن کورٹ اسلام آباد میں دائر شیخ رشید کی ضمانت کی درخواست پر نوٹس جاری کردیے گئے ہیں۔  فریقین کو سوموار کیلئے نوٹسز جاری کیے گئے ہیں۔