چاند کی سطح پر رہنے میں کتنا خرچ آئے گا؟

غیر ملکی خبر ایجنسی کے مطابق  سطح چاند کو انسانی آبادی کے لیے مسخر کرنے کیلئے  تحقیقات کی جارہی ہیں اور تیزی سے کام کیا جا رہا ہے اور   اس سلسلے میں کئی رپورٹس کا ترجمہ کیا جا چکا ہے۔

سعودی میگزین الرجل کے مطابق 1959 میں چاند پر پہلا روبوٹک جہاز  اترانے کے بعد  انسان اس قابل ہوا کہ وہ چاند پر قدم رکھ سکے۔

اب  سوال یہ ہے کہ چاند کی سطح پر رہنے میں کتنا خرچ آتا ہے؟

مالی اور ریئل اسٹیٹ بروکریج میں مہارت رکھنے والی ایک برطانوی کمپنی  نے چاند کی سطح پر زندگی گزارنے کے اخراجات کی تفصیلات بتائیں ہیں ،  کمپنی کے مطابق رہائش کی قیمت ایک ماہ کے لیے 325 ہزار ڈالرسے زائد بنتی ہے۔

اس قیمت میں بہت سی  سہولیات زندگی کی انڈور تفصیلات کی قیمت بھی شامل ہے جس میں ونڈوز، نامیاتی توانائی کے ذرائع، ہوا سے بچاؤ کے آلات، صنعتی طاقت کے ایئر پمپ اور ہیٹر شامل ہیں۔اسطرح اوسط گھر کی کل لاگت 48 ملین ڈالر بنتی  ہے۔چاند کو نوآبادیاتی بنانے میں رکاوٹ صرف توانائی پیدا کرنے کی صلاحیت ہے، جو مشکل  ترین حالات میں زندگی گزارنے کے لیے ناگزیر ہے۔

 برطانوی کمپنی   کے مطابق  چاند پر بجلی پیدا کرنے کے لیے ایک چھوٹا سا نیوکلیئر ری ایکٹر بھی ساتھ لے جانا ہوگا جس کی قیمت 1.3 بلین ڈالر ہے۔ 34 سولر پینل بھی ساتھ لے جایا جاسکتا ہے جو ایک گھر چلانے کے لیے کافی ہوگا۔ چاند پر رہائش اختیار کرنے سے قبل وہاں رہنے اور سبزیاں اگانے کے طریقے بھی سیکھنے ہوں گے۔

برطانوی کمپنی کے مطابق  چاند پر سب سے بہتر اور آباد رہنے کے لیے Sea of  Rains  انتہائی مطلوبہ مقام ہے۔