امجد اسلام امجد دار فانی سے رخصت

لاہور: معروف شاعر و ادیب، ڈرامہ نویس امجد اسلام 78 برس کی عمر میں انتقال کر گئے۔

 امجد اسلام امجد کا انتقال دل کا دورہ پڑنے کے باعث ہوا، اہل خانہ نے تصدیق کردی ہے ۔

امجد اسلام امجد نے 50 سال سے زائد عرصے تک ادبی خدمات سرانجام دیں، انہیں پرائیڈ آف پرفارمنس اور ستارہ امتیاز سے نوازا گیا تھا۔

 امجد اسلام امجد 4 اگست 1944 کو لاہور میں پیدا ہوئے،  انھوں نے 1967 میں پنجاب یونیورسٹی سے ایم اے (اردو) کیا، 1968 تا 1975 ایم اے او کالج لاہور کے شعبہ اردو میں استاد رہے  اور اگست 1975 میں امجد اسلام امجد کو  پنجاب آرٹ کونسل کا ڈپٹی ڈائریکٹر مقرر کیاگیا۔