گرین پاکستان انیشیٹو کے تحت زرعی مقاصد کے لیے 4.8 ملین ایکڑ اراضی کی نشاندہی کی گئی ہے۔

تفصیلات کے مطابق اب تک 0.9 ملین ایکڑ اراضی الاٹ کی جا چکی ہے جس میں پنجاب میں 811,619 ایکڑ، سندھ میں 52,713 ایکڑ، بلوچستان میں 47,606 اور خیبرپختونخوا میں 74,140 ایکڑ اراضی شامل ہے۔

چولستان میں کارپوریٹ فارمنگ شروع ہو چکی ہے اور اب تک دو لاکھ ایکڑ اراضی کا معاہدہ ہو چکا ہے۔

گرین پاکستان انیشیٹو کا بنیادی مقصد جدید کارپوریٹ فارمنگ کے ساتھ ساتھ چھوٹے کسانوں کی مدد کرنا ہے، جو پاکستان کے زرعی شعبے کا پچانوے فیصد ہیں۔

گرین ایگری مال کسانوں کو کھاد، بیج اور دیگر زرعی مواد فراہم کرنے کا ایک ون اسٹاپ سینٹر ہے۔ اگلے دو سالوں میں ملک بھر میں ڈھائی سو مزید گرین ایگری مالز قائم کیے جائیں گے۔

گرین پاکستان واٹر مینجمنٹ زرعی پانی کے بہتر انتظام کے لیے اقدامات کر رہی ہے اور زیر زمین پانی کے ذخائر کے تحفظ کے لیے قوانین متعارف کروا رہی ہے۔

کوئٹہ : بلوچستان میں سیلاب اور بارشوں کے باعث ریلوے ٹریک کو شدید نقصان پہنچنے کے بعد کوئٹہ سے اندرون ملک جانے والی تمام ٹرین سروسز 14 روز سے معطل ہیں۔ دوزان پل سمیت متعدد مقامات پر ریلوے ٹریک کی مرمت میں تاخیر کے باعث مسافر شدید مشکلات کا شکار ہیں۔

ریلوے حکام کے مطابق سبی سے ہرنائی کے درمیان ریلوے ٹریک 23 جولائی سے بند ہے اور اب تک اس کی مرمت مکمل نہیں ہوسکی۔ اسی طرح کوئٹہ تفتان ریلوے سیکشن بھی 15 روز سے بند ہے اور چاغی میں بہہ جانے والی ریلوے لائن کی مرمت بھی نہیں ہوسکی۔ کوئٹہ چمن ٹرین سروس بھی 10 روز سے معطل ہے اور شیلا باغ سرنگ کی مرمت میں مزید 15 روز لگ سکتے ہیں۔

ان تمام صورتحال کے باعث صوبے میں ٹرین سروسز کی بندش سے ریلوے کو روزانہ تقریباً 15 لاکھ روپے کا نقصان ہو رہا ہے۔ اس کے علاوہ لاکھوں مسافر ٹرین سروسز کے معطل ہونے سے شدید مشکلات کا شکار ہیں۔

بہت سے مسافر وں کی روزمرہ زندگی متاثر ہو رہی ہے۔ مسافروں کو مہنگے نجی ٹرانسپورٹ کا سہارا لینا پڑ رہا ہے جو ان کے لیے مزید مالی بوجھ ہے۔

استنبول : ترک صدر طیب اردگان نے ہفتے کے روز کہا کہ اسلامی ممالک کو اسرائیل کی طرف سے توسیع پسندی کے بڑھتے ہوئے خطرے کے خلاف اتحاد بنانا چاہیے۔

انہوں نے یہ تبصرہ بیان کرنے کے بعد کیا کہ فلسطینی اور ترک حکام کا کہنا تھا کہ اسرائیلی فوجیوں کے ہاتھوں ایک ترک نژاد امریکی خاتون کی ہلاکت جو جمعہ کے روز اسرائیلی مقبوضہ مغربی کنارے میں بستیوں کی توسیع کے خلاف احتجاج میں حصہ لے رہی تھی۔

طیب اردگان نے استنبول کے قریب اسلامی اسکولوں کی ایسوسی ایشن کی ایک تقریب میں کہا کہ اسرائیلی تکبر، اسرائیلی ڈاکوؤں اور اسرائیلی ریاستی دہشت گردی کو روکنے کا واحد قدم اسلامی ممالک کا اتحاد ہے۔

انہوں نے کہا کہ حالیہ اقدامات جو ترکی نے مصر اور شام کے ساتھ تعلقات کو بہتر بنانے کے لیے اٹھائے ہیں ان کا مقصد توسیع پسندی کے بڑھتے ہوئے خطرے کے خلاف یکجہتی کی لکیر بنانا ہے،جس کے بارے میں انہوں نے کہا کہ لبنان اور شام کو بھی خطرہ ہے۔

ترک صدر طیب اردگان نے اس ہفتے انقرہ میں مصری صدر عبدالفتاح السیسی کی میزبانی کی اور انہوں نے غزہ جنگ اور اپنے طویل منجمد تعلقات کو مزید بحال کرنے کے طریقوں پر تبادلہ خیال کیا جو 12 سالوں میں اس طرح کا پہلا صدارتی دورہ تھا۔