فوربز : دنیا کے بہترین کاروباری افرادکی فہرست میں پاکستانی خاتون شیف بھی شامل

’فوربز‘ سالانہ بنیادوں پر  دنیا کے بااثر ترین، مقبول ترین، زیادہ کمائی کرنے والی شخصیات اور انڈر تھرٹی کی فہرستیں جاری کرتا ہے۔پاکستانی شیف زہرہ خان نے ریٹیل اور ای کامرس کلاس میں 'فوربز 30 انڈر 30 یورپ لسٹ' میں جگہ بنائی ہے۔ زہرہ نے  اسٹار شیف گورڈن رمسی کی ٹینٹی میری کلودری اکیڈمی سے گریجویشن مکمل کی، اس اکیڈمی کی بنیاد 1954 میں رکھی گئی تھی اور  اور زہرہ  اکیڈمی میں شامل ہونے والی واحد پاکستانی خاتون ہیں۔یہاں سے فارغ التحصیل ہونے کے بعد انہوں نے دو کیفے فیرو اور ڈائس کے نام  سے بنائے گئے ، یہ دونوں  نائٹ برج اور آکسفورڈ اسٹریٹ  سینٹرل لندن  میں واقع ہیں ۔

ایک مقامی ٹی وی چینل کو انٹرویو کے دوران انہوں نے بتایا کہ  13 سال کی عمر میں  انہیں   گھر کے کام کاج کرنے کی ہدایت کی جاتی تھی ۔مجھے بار بار یہ ہدایت دی جاتی تھی کہ خواتین گھربناتی  ہیں  اوران کا کام  باورچی خانہ سنبھالنا ہوتا ہے زہرہ نے اپنی کامیابیوں پر روشنی ڈالتے ہوئے  نے مزید بتایا کہ جس   وقت  وسطی لندن میں  انہوں نے ' فیا کیفے'  کی بنیاد رکھی  وہ ماں بن چکی تھیں ۔ْمیں نے اپنے انٹرپرائز کو کامیابی سے ہمکنار کیا ،اور  بتدریج  5سے 30 ملازمین  تک اضافہ کیا اور برطانیہ ، متحدہ عرب امارات ،، قطر ، کویت ، کینیڈا جیسے  ممالک سے 100 سے زیادہ فرنچائز حاصل کیے ۔

انہوں نے کرونا وبا  کے دوران برطانیہ میں مقیم پاکستانی  لڑکیوں کو بااختیار بنانے اور صنفی امتیاز  ختم کرنے کے لئے اہم قدم اٹھایا ،  اور"  فیا کیفے " کی  تمام کھانے پینے کی اشیا  ، جام اور چائے کی مصنوعات  کے ذریعے  آگاہی، خودمختاری کاپیغام پھیلایا، یہ تمام اشیا خواتین نے خود تیارکیں ۔مزید براں   زہرہ 2021 میں نئے اسٹور کھولنے کا بھی ارادہ رکھتی ہیں ۔